رادیۆیا دهۆك بۆ من قوتابخانە یە
بێوار حەمدی:
ئاخینك حەمدی، بێژەر و پەیامنێرل رادیۆیا دهۆك، د دیدارەكێ دا بۆ رۆژناما ئەڤرۆ گۆت: حەزژێكرنا من بۆ راگەهاندنێ یا ژمێژە بوو، بەلێ بەر شەش هەیڤان دەلیڤە هات و ل رادیۆیا دهۆك دەستبكار بووم و هەر ل دەستپێكێ من دڤیا ل ڤێ رادیۆیێ كاربكەم، چنكو ئەڤ رادیۆیە بۆ من و گەلەكێن بەری من ژی وەكو قوتابخانەیەكێ بوو، لەورا گەلەكا دلخۆش و ئارامم.
هەروەسا گۆت: پتریان كچان ئەوێن نوكە دراگەهاندنێ دا كار دكەن ل دەستپێكێ حەزدكەن ب شێوەیەكێ نهێنی كاربكەن و پشتی باش دیاردبن دهێنە دناڤ كەنالێن راگەهاندنێ دا و ژنوو شیانێن خوە دیاردكەن و ب دیتنا من كچێ پتر ژ كوڕی شیان و هزرێن هەین و دشێت دكارێ خوە دا سەربكەڤیت، ئانكو هەردەم كچ د زیرەك و تێگەهشتی نە و ئەو ب خوە دزانیت كا مافێن وێ چنە و كاری ژبۆ ب دەستڤەئینانا مافێن خوە دكەت.
