رادیۆیا دهۆك ب مالا خوە یا دویێ دادنیت
هەرهین محەمەد:
بژار نزار، دەرهێنەر و مۆنتێر ل رادیۆیا دهۆك، د دیدارەكێ دا بۆ ئەڤرۆ گۆت: ئەڤە بۆ دەمێ چار سالانە ئەز ل ڤێ رادیۆیێ كاردكەم و ب مالا خوە یا دویێ دزانم و دو جهێن دی داخاز ژمن كر كو ل گەل وان كار بكەم، بەلێ من رەتكر و من گەلەك پێخوشە هەموو دەمێ خوە بدەمە رادیۆیا دهۆك و هەموو هەڤالێن ل گەل من دا ب شێوەكێ دلسوزانە كاردكەن و بۆ من ئەو چەندە گەلەك یا خۆشە دەمێ دەرهێنەریێ بۆ دەنگوباس و بەرنامەیان دكەم و داخویانیان ژ جهێن پەیوەندیدار وەردگرم.
ناڤهاتی گۆت: بەری نوكە من بۆ دەمێ هەشت سالان ل چاپخانا خانی كاركریە، لەورا من شارەزایی دواری كۆمپیوتەری هەبوو، هەروەسا ژبەر حەزو ڤیانا من بۆكاری هاتمە ڤەگوهاستن بۆ رادیۆیێ و ئەز ب كاری گەلەك یێ دلخۆشم چەند یێ ب ماندی بوون و زەحمەت بیت یا گرنگ ل نك من ئەوە ل دووماهیێ بەرهەمەكێ جوان بینمە هەبوونێ.
