رازی شنێشل: چ یاریزان بۆ ئۆلمپی نە هاتینە دەستنیشانكرن
راهێنەرێ هەلیژارتیێ ئۆلمپیێ ئیراقێ ئەو دەنگۆباسێن دانانا پێكهاتیێ تیما فوتبۆلێ بۆ ئۆلمپیادا 2024ێ ل بن ژیێ 23ی سالی ڕەدكریە و دەرگەهـ بۆ هەموو یاریزانێن خودان شیان هێلایە ڤەكری.
د پرێسكۆنفرانسەكێ دا رازی شنێشل گۆت: مە چ پێگهاتی بۆ هەلبژارتیێ ئۆلمپی نە ڕاگەهاندییە و ئەوا هاتییە بەلاڤكرن دوور ژ راستیێ و ئەم یێ بەردەوام دووڤچوونا یاریزانێن د خولا ئیراقێ و دەرڤە دكەین هەتا بشێن پێكهاتییەكێ باش كو خودان ئاست و شیانێن باش بن، نە ڕاگەهاندنا ناڤان بۆ رێزێن هەلبژارتیێ ئیراقێ ژ ترسا هنگاڤتنا یاریزانەكی یان ژی ژ ترسا پاشڤەچوونا ئاستێ یاریزانەكی كو ئەم ناڤێ وی رابگەهینن و هەروەسان ژبەر هندەك بابەتێن هونەری ژی لەوما ئەز چو ناڤان دیار ناكەم.
هەروەسان گۆت: نە بەرعاقلە هێشتا هەیڤەك مایە بۆ ئۆلمپیادا و خولا ئیراقێ بەردەوامە ئێكسەر پێكهاتیێ هەلبژارتیێ ئۆلمپی دیاربكەم هەرچەندە مە كۆمەكا باش یا یاریزانان یێن هەین وهاتینە دەستنیشانكرن لێ ب هیج رەنگەكی نا هێنە راگەهاندن هەتا رۆژا مە دڤیا دێ ب فەرمی راگەهینن.
