راستییەکا تال
ئاشتی یونس
درەنگی شەڤە لاوەك هێشتا دبهارا تەمەنێ خوە دایە، هێشتا ل وی سپێدەیە ژبۆ ژیانێ، مینا سێڤەکا سۆر یا پری ڤیان وحەژێکرن ژبۆ ژیانێ دگەهیت، هیڤی و ئارمانج ژ وی دپەشین، ژیان دچاڤێن وی دا یا شرین بوو، ئەو دەرچوویێ زانکۆیێ یە، ئەڤە دەمەك درێژە یێ بێکارە، و هەموو هزرو بیریێن وی بتنێ لسەر دابینکرنا پاشە رۆژەکا گەشە ژبۆ ژیانێ، پشتی چەندین هەولان و ماندیبۆنەکا زور و ژبلی وان تەلەفونێن وی یێن بەردەوام دکرین، هیڤیەك ژبۆ وی هاتە پێش، تاکو شیایی دەلیڤەکا کاری ب بینیت، و سوباهی سپێدێ ژڤانێ چاڤپێکەفتنەکا گرنگ یا کاری یا هەی، ژبۆ وی رۆژەکا نوو یە وگەلەك یا جودایە ژدەمێ وی یێ جاران یێ روتینێ، د ژۆرا خوە ڤەیە، هندی دکت و ناکت خەوا وی ناهێت، نەچار بۆ چوو دناڤ باخچێ مالێ یێ جوان و فێنك ودلڤەکەردا، داکو بێهنەکێ کەش وهەوایێ خوە بگوهۆڕیت و هەناسەکا خۆش ب هەلکێشیت، پیاسەکرن و دبەرا جگارەك بەردایێ و دچوو و دهات، رەنگە ئەگەرێ نەهاتنا خەوا وی ژکەیفاندا بیت یانژی دبیت ژگەلەك هزرکرنێ بیت، پاشان دەنگێ بانگێ نڤێژا سپێدێ هات، رابۆ چوو نڤێژا خوە کر و بۆ خوە لاڤە ژخۆدێ کرن، پشتی ب داوی هاتی گولۆپا ژۆرا خوە یا شەڤێ ڤەمراند، و چوو لسەر جهێ خوە، خوە درێژ کر، و کۆمەکا هزران لدور ناخێ وی زڤرین و بکویراتی چوو دناڤ جیهانا هزراندان، دگەل خوە بتنێ ددلێ خوە دا پەیڤی و چەند پرسەك ئاراستەی خوە کرن، بۆ نموونە گۆت: ئەها ئەڤە لاڤەیێن دایک و بابێ من بجهاتن، هەموو دەمان دگۆتن: خۆدێ وەك دلێ تە بدتە تە و دلێ تە خۆش بکەت… ئەز دێ بمە کارمەند، ئەز دێ بمە خودان مۆچە، ئەز دێ بمە خودان یار و ژن و مال و حال.هتد…
پشتی هینگێ ژنیشکەکێڤە رۆژنامەڤانەك وی ل بازاری دبینیت ومایکا تیڤیێ ددانیتە لبەر دەڤێ وی، و پرسەکێ ژێدکەت دبێژیت: دەم باش بەرێز…ئەڤرۆ رۆژا جیهانیا کرێکارانە.. ئەرێ بڤێ هەلکەفتێ تو وەك گەنجەك تە چ پەیامەك هەیە بێژی؟
من گەلەک هزرێن خوە کرن، دا بەرسڤەکێ بۆ پرسا وی ب بینم، لێ هێشتا هزرێن من لسەر پاشەرۆژا منن، ئەرێ پا هەکە ئەز سوباهی دچاڤپێکەفتنا خوە یا کاری دا بسەر نەکەفتم، و نە هاتمە وەرگرتن، ئەرێ ئەز دێ پاشی چ کەم، و هەتا پاشە رۆژا من هێشتا نە یا دیارە، هەروەسا چارەنڤیسێ داهاتێ من ژی نزانم دێ یێ ب چ ئاوا بیت، ژبەرکو من پێشتر یا بچاڤێن خوە دیتی، و ئەز پر یێ دناڤ ڤی دەردی دا نالیم، و گەلەك باش دزانم مینا ناڤێ خوە کانێ ئەڤ هەستە چەندێ نەخۆش و بزەحمەتە، ژبەرهندێ ئەز گەلەك دترسم ونە یێ ئارامم ژ سوباهیا خوە، ئەرێ کا دێ چ هێتە رویدان و دێ یا چەوا بیت، واتە نە یا رۆن و ئاشکەرایە..
ل داویێ زەنگا تەلەفۆنا وی لێ ددەت و ڤەدجنقیت، و بلەز ژخەو هشیار دبیت، و رادبیت دچیت کارێ خوە دکت ژبۆ وێ چاڤپێکەفتنا گەلەك گرنگ یا وی لبەر هەی.