راهێنه‌رێ زاخۆ: ده‌لیڤه بۆ گه‌نجان گرنگتره ژ ئه‌نجامی
ئه‌ڤرۆ،
د داخویانیه‌كێ دا راهێنه‌رێ تیما ته‌پا پێی یا یانا زاخۆ ئه‌گه‌رێن نه خوه‌جهیا ئاستێ یاریزانان د یاریا ئه‌ینیا بوری ل گه‌ل یانا ئه‌لقاسم ژ گه‌ڕا 36ێ یا خولا پلا نایابا ئیراقێ دیاركرن پشتی ب دو گۆلان به‌رامبه‌ر گۆله‌كێ تووشی خوساره‌تیێ بووین ئه‌وا ل یاریگه‌ها ئه‌لقاسم ل باشۆرێ باژێرێ حلله هاتیه ئه‌نجامدان.
زێده‌تر فیراس ئه‌لخه‌تیب بۆ رۆژناما ئه‌ڤرۆ گۆت: راسته ئاستێ یاریزانێن تیما مه باش و خوه‌جه نه‌بوون تایبه‌ت د نیڤا ئێكێ دا ئه‌ڤچه‌نده ژی ژبه‌ر ئه‌و پێكهاتیێ مه بۆ یاریێ دانایی كو پرانیا یاریزانێن گه‌نجن و بۆ جارا ئێكێ بنه سه‌ره‌كی دناڤ تیمێ دا ژوانا ئاكۆ نوری، بارزان ئه‌حمه‌د، یوسف ئه‌یوب و ئه‌یاد عه‌بد كۆمه‌كا یاریزانێن نوو كو ده‌لیڤه‌كا باش و باوه‌ری ب شیانێن وان هاتنه دان و دێ بنه شه‌نگسته‌كێ باش و باوه‌رپێكری بۆ تیمێ د یاریێن بهێت و وه‌رزه‌كێ دی، هه‌رچه‌نده ئه‌نجام ب دلێ مه نه‌بوو لێ مه پلانێن مه‌زنتر هه‌نه ئه‌وژی بۆ كۆپا ئیراقێ ئه‌م كاره‌كێ مه‌زن بۆ بكه‌ین، یاریێن مایی ژ خولێ تایبه‌ت یا چووی وه‌كو یا به‌رهه‌ڤی و تاقیكرن بۆ یارێزانێن مه ژبۆ باشترین به‌رهه‌ڤی بۆ كۆپا ئیراقێ ل گه‌ل یانا كاره‌با.
هه‌روه‌سان راهێنه‌رێ‌َ زاخۆ ئه‌وچه‌نده ژی دیاركر هنده‌ك یاریزانێن سه‌ره‌كی پێدڤی ب بهێنڤه‌دانێ بوون ژبه‌ركو د یاریا بوری دا گه‌له‌ك وه‌ستیابوون و دیسان بۆ یاریا كۆپا ئیراقێ ژی ب شێوه‌كێ باشتر به‌رهه‌ڤبن و گۆت: چو پێرابوون دژی یاریزانان نا هێته كرن ل سه‌ر خوساره‌تیا یاریا بوری و بۆ هه‌ر یاریه‌كێ مه شێواز و پلانێن تایبه‌ت هه‌نه تایبه‌ت یا كاره‌با رژدن ب رێكێن سه‌ركه‌فتنی بدانین و به‌ر یاریا دووماهیێ بچین و هیڤییا ناسناڤی.
