راهێنەرێ یانەیا نەورۆز: ژبەر جەماوەری دێ دەست ژ كارێ خوە ڤەكێشم
قەیس وەیس:
د داخویانیەكێ دا وەلی كەریم راهێنەرێ تیما تەپا پێی یا یانەیا نەورۆز دیار كر وەرزێ ئەڤ سالە دێ یا دووماهیێ بیت وەكو راهێنەرێ نەورۆز د خولا ستێرێن ئیراقێ دا.
زێدەتر ناڤهاتی گۆت: ئەگەرێ دەست ژ كاركێشانا خوە دگەل تیما تەپا پێی یا یانەیا نەورۆز ژبەر چەند كەسەك ب ناڤێ جەماوەرێن یانێ و پارێزگەها سلێمانیێ هەراسانكرنێ و نەخۆشیێ بۆ من پەیدا دكەن و هندەك گۆتنێن نە شرین دبێژم كو بەرۆڤاژی دیرۆك و ئەنجامێن من یێن مەزنن تایبەت دگەل یانەیا نەورۆز، ب مخابنیڤە د هەر خوسارەتی یان وەكهەڤییەكێ دا ئەو چەند كەسە ئاخڤتنێن نە جوان دبێژن و داخوازن ئەز نەمینە دگەل تیمێ.
هەروەسان وەلی كەریم گۆت: ئەو جورێن جەماوەری دژاتییا من دكەن ژوانا هەڤالێن چەند یاریزانانە كو ئەز پشكداری یاریان دا ناكەم و هندەكان ژی دژاتییەكا سەرنجراكێش دگەل من هەیە و یێن هەین ژی چو ژ تەپا پێی نزانم و دڤێت هەمی یارییا تیم یا سەركەفتی بیت، لەوما پشتی من بۆ ماوەكێ درێژ هزرا خوە كری بڕیار دایە دووماهییا وەرزێ ئەڤ سالە دەست ژ كارێ خوە ب كێشم و ئێكی بەردەوام نەبم سەرباری كارێ من یێ دلسۆز و هەڤكارییا بەردەوام یا كارگێریێ دگەل من و پشتەڤانیا وان.
