راوێژ لاوین: ب مه‌رج یێ ئاماده‌مه یاریێ بۆ هه‌لبژارتیێ عیراقێ بكه‌م
ئه‌ڤرۆ نیوز، هه‌ژار مه‌عروف:
یاریكه‌رێ كورد و یانا نورشونبیگ یا سویدى راویژ لاوین فه‌رهاد د داخویانیه‌كا تایبه‌ت دا بۆ مالپه‌رێ ئه‌ڤرۆ نیوز دیاركر ل ده‌مێ بورى لسه‌ر مالپه‌رێن كومه‌لایه‌تى یێن وى گه‌له‌ك داخوازى ژ پشته‌ڤانێن عیراقێ بۆ وى هاتینه بۆ كرنا یاریێ ل گه‌ل هه‌لبژارتیێ عیراقێ
زێده‌تر راوێژ گوت: یێ ئاماده‌مه یاریێ بوو هه‌لبژارتیێ عیراقێ بكه‌م ب مه‌رجه‌كى ئه‌وژى هه‌كه ئێكه‌تیا ته‌پا پێى یا عیراقێ ب فه‌رمى داخوازیا من بكه‌ت و یانه‌یا وى رازى بیت ژبه‌ركو ئه‌و گرێداى هه‌ڤبه‌ستا خوه یه ل گه‌ل ڤێ یانێ.
راوێژ ئاماژه ب وێ چه‌ندى ژى كر كه‌سى ب فه‌رمى داخوازى ژ وى نه‌كریه، به‌لێ ده‌مێ ئه‌وى زانى كو سه‌روكێ ئێكه‌تیا ته‌پا پێى یا عیراقێ كه‌سه‌كێ كورده گه‌له‌ك یێ كه‌یڤخوشحال بوو، ئه‌ڤ چه‌نده ژى بوو پالده‌ره‌كێ ب هێز ئه‌و یاریێ ل ده‌مێ بهێت بوو هه‌لبژارتیێ عیراقێ بكه‌ت.
هه‌ژى گوتنێ یه راویژ لاوین فه‌رهاد خه‌لكێ باژێرێ كه‌ركوكى یه یارى ل ده‌مێ بورى ل یانێن نورشلاند یا دانیماركى و مالمو یا سویدى كرى یه و هه‌لبژارتیێ پێگه‌هشتى و لاوێن سوید.
