راوەستیانا خولێ د بەرژوەندیا زاخۆ دا نینە
زاخۆ، عەلی حاجی:
ژێدەرەکێ باوەرپێکری د ناڤ دەستەیا کارگێریا یانه‌یا زاخۆ یا وەرزشی دا بۆ رۆژناما ئەڤرۆ دیار کر راوەستیانا خولا پلا نایابا ئیراقێ یا ته‌پا پێی د بەرژەوەندیا تیما واندا نینە تایبه‌ت ژ روویێ دارایی ڤە زێدەتر بارگرانی بۆ وان دروست کریە.
هەر وی ژێدەری دیار کر ژی پشتی راوەستیانا خولا ئیراقێ یا تەپا پێی و پەیوەندیکرنا چەند یاریزانێن وان ب هەلبژارتیێن وەلاتێ خوە د نوکە دا تیما مە بەردەوامە ل سەر یەکەیێن خوە یێ راهێنانێ ل بن سەرپەرشتیا راهێنەرێ سوری نزار مەحروسی،هەتا نوکە ژی راهێنەرێ تیمێ د ڤێ قوناغا راوەستیانا خولێ دا داخازا چو یاریێن هەڤالینی نەکریە لێ هەر دەما داخاز کر ژی دێ بزاڤان كه‌ین بۆ تیمێ دانینن، لێ راوەستیانا خولێ ژ چەند رویەکان ڤە د بەرژەوەندیا تیما مە دا نینە تایبه‌ت ژ روویێ ماددی ڤە ژی بارێ مە گرانتر لێکریە ژبەر کو دێ موچەیێ چەند هەیڤەکێن زێدەتر دەین،هەر دیسان پشتی سەرکەڤتن ل سەر دیوانیە تیما مە کەڤت بوو ل سەر رێیا سەرکەڤتنان، راوەستیانا خولێ ژی دێ بیتە ئەگەر یاریزان ژ کەش و هەوایێ یاریێ دوور بكه‌ڤن.
وی ژێدەری گۆتژی: هەتا نوکە تیم یا ل سەر رێیەکا باش دچیت و بتنێ یا د بەرژەوەندیا تیمێ دا دێ ئەو چەندە بیت کو راهێنەر بشێت زێدەتر پلانێن خوە جێبەجێ بکەت و پتر هەماهەنگیێ دناڤبەرا یاریزانێن تیمێ دا زێدەتر لێ بکەت.
