راپرسیێن نها د بەرژەوەندیا هاریسێ دانە
رۆژناما واشنتۆن پۆست یا ئەمریکی د راپۆرتەکێ دا دیار کریە کو ل چەندین ویلایەتێن مەزن یێن ئەمریکا دەنگێن کامالا هاریس زێدەتر لێ هاتینە و ل هەمبەر دا دەنگێن دۆنالد ترامپی ژی کێم بووینە و هەکە نها هەلبژارتن بهێنە کرن دێ کامالا هاریس بیتە ئێکەم ژنا سەرۆک کۆمار د دیرۆکا ئەمریکا دا.
هەمان رۆژنامێ ئەو یەک ژی دیار کریە، ل ئەمریکا رێژەیەکا بەرچاڤ ژ ژنان پشتەڤانیێ ل هاریسێ دکەن و وەسا دبینن ترامپ کەسەک توندرەوە و دێ دیسان ئەمریکا تووشی گەلەک ئاریشان کەت و ژ بەر ڤێ یەکێ ژی رێژەیا پشتەڤانیا خەلکی بۆ کامالا هاریسێ زێدەتر دبیت.
بەری نها ژی چەندین کۆمپانیێن راپرسیان دیار کربوون کو ل گۆر ئەنجامێن راپرسیێن وان کامالا هاریس چەند خالان ل پێش ترامپی دایە لێ دبیت بەری هەلبژارتنان بۆچوونا گەلەک دەنگدەران بهێتە گوهۆڕین ژی.
