راپۆرتەکا رێکخستنا لێبۆرینا نێڤدەولەتی بوویە جهێ دلگرانیا ئسرائیلێ
بەری دو رۆژان رێکخستنا لێبۆرینا نێڤدەولەتی راپۆرتەک سەبارەت ب رەوشا نها یا غەزە بەلاڤ کربوو و تێدا هاتبوو دیار کرن، هێزێن ئسرائیلێ بێی بەرچاڤ وەرگرتنا رەوشا وەلاتیێن سڤیل تەقە ل جهێن ئاکنجیبوونا سڤیلان دکەن و ژ بەر ڤێ یەکێ ژی هژمارەکا زێدە ژ وەلاتیێن سڤیل هاتینە کوشتن و ئەو یەک ژی تاوانا شەڕی یە و دڤێت ئسرائیل ئێرشێن خوە بدەتە راگرتن.
ل هەمبەر ڤێ یەکێ دوهی وەزارەتا دەرڤە یا ئسرائیلێ دیار کر، حەماس و هێزێن دی یێن چەکدار بەردەوام ئێرشی وەلاتیێن وان دکەن و نها گەلەک وەلاتیێن ئسرائیلێ د دەستێ حەماسێ دانە و کەسێن سڤیلن، لێ رێکخستنا لێبۆرینا نێڤدەولەتی بەحسێ وان کەسان ناکەت و ئەو یەک ژی نیشا ددەت راپۆرتا رێکخستنا لێبۆرینا نێڤدەولەتی ب رەنگەکێ سەربخوە نەهاتیە نڤیسین و ئەو یەک ژی جهێ دلگرانیێ یە.
