راگرتنا پـارسەنگا هێزێ ل هـەرێمێ یا گرێدایی دەستهەلاتـا پـارتـی یە
عـەمـەر هـەرگـۆشـی
وەكو دیارە نەحەز و دوژمنێن گەلێ مە بەرنامەكی دژبەر یێ ل دژی هەرێما كوردستانێ هەی و پارتی ژی بەرنامەیێ پاراستنا خاك و ماف و هەبوونا گەلێ كوردستانێ یا گرتیە ستویێ خۆ.
دەما كو مووچە دهێتە بڕین و درۆن دبارن و ئاژاوە دروست دبن خۆیا دكەت كو بەرنامەك هەیە كو هەرێم لاواز ببیت و ب ساناهی دەستان سەر مافێن رەوا یێن گەلێ كوردستانێدا بگرن، هەر جار پارتی رژدتر ب هەمی شێوەیێن رەوا بێ دودلی ل سەنگار پاراستنا گەلێ كوردستان ل سەر خەبات و قوربانیدانێ موكمتر دیاردكەڤیت، ئەڤێ جارێ پارتی پەیڤا خۆ گۆت و ب كریار ڤە سەلماند كو پارتی د گۆرەپانا سیاسی یا ئیراقێ دا ئەمر دكەت و ئەوێن ژ رێكا راست دەرچووی و یاسا و دەستوور بن پێ كری گەرەكە بگەریێنەڤە سەر رێكا راست و ئەو مووچێ كو ل هیڤیێ بوون ببڕن؛ جارەكا دی ل بن فشار و پالەپەستوویێن پارتی ل دویڤ دەستوور و یاسایێ بێی كەموكۆڕی بهێنە شاندن .خەلكەكی زۆرێ ناڤخۆ و دەرەڤە چاڤ ل هندێ بوو؛ گەلێ كوردستانی تووشی برسیاتیێ و نەداڕیێ بكەن و مەرامێن خۆ یێن چەپەل ل سەر خەلكێ كوردستانێ بسەپینن، بەلێ ڤێ جارێ ژی گەلێ كوردستانێ و پارتی بسەركەفتن و ناحەزان ب شەرمەزاری ڤە سەرێ خۆ چەماند و ل بەری دا.
خزمەت و هەڤكاری و دلسۆزیا گەلێ كوردستانێ بۆ خاكا خۆ وە بۆ پارتی فاكتەر و ئەگەرێن سەرەكیێن سەركەفتنێن پارتینە ل مەیدانا كوردایەتیێ و وەلاتپارێزیێ و دادپەروەریا جڤاكی، سیاسەتا مرۆڤ دۆستانە و ئاشتیخوازانە و راستگۆیانەیا پارتی ژی پالنەرێن ب هێزن بۆ ناچاركرنا ناحەزێن گەلێ كوردستانێ كو دانێ ب مافێن گەلێ كوردستانییان بینن و شكست و دۆراندنێن هەوڵێن خۆ یێن ل دژی هەرێمێ ب چاڤێن خۆ ببین و هەرجار تووشی شەرمەزاریێ ببن بەرانبەر گەلێ كوردستانێ.ئەوێن كو تاقیكرنا وان ل گەل پارتی یا درێژ باش تێدگەهن كو ناحەز حەزكەن، پارتی لاواز ببیت بۆ هندێ كو دوژمن ب دەرفەت بزانن كو پەلاماری هەرێمێ و خەلكێ كوردستانێ بدەن، چونكی هەتا پارتی ب ڤێ رەنگی ب هێز و هوشیار بمینیت ئومێدێن دوژمنان؛ دێ د سینگی دا خەندقن و د هیچ هەولێن خۆدا ل دژی گەلێ كوردستانی د سەركەفتی نابن. لەوما گەلێ كوردستانێ ژی هەرجار د هەمی هەلبژارتنان دا متمانا خۆ ددەنە پارتی چونكو دزانن پارتی چەندا ب هێزبیت گەلێ كوردستانێ ژی پتر ئارام و بەختەوەر و خودان ماف دێ بیت و ل قەراخێ رزگاریا ئێكجارەكی دێ نێزیكتر بیت.
نابیت بهێتە ژبیركرن كو پارتی سەرباری وێ چەندێ كو ناحەزێت ناڤخۆ وە دەرەكی گەلەك كۆسپ و تەگەرە د مێژووێ دا ل پێشیێ چێكرینە، بەلێ پارتی شیایە رێكا راستا كوردینێ بگریت و كۆسپان ژی ببڕیت و ب كێمترین زیان ڤە ئومێدێ ل جهێ بێ ئومێدیێ بۆ كوردان دروست بكەت و د كاودانێن سەخت و بەرتەنگ دا ب رۆلێ نەتەوەیێ پیرۆزێ خۆ رابیت و خەلكی ژ تەنگاڤیان رزگار كەت.
