راگه‌هاندنێ ئه‌ز هه‌لبژارتم نه من ئه‌و هه‌لبژارتیه
هه‌له‌بجه، عه‌زیز هه‌ورامی:
خانما میدیاكار (هودا سلێمان) د دیداره‌كێ دا گۆت: ئه‌وا راستی بیت من راگه‌هاندن نه هه‌لبژارتیه به‌لكو راگه‌هاندنێ ئه‌ز یا هه‌لبژارتیم، لێ نوكه ئه‌ز یا د بزاڤێن به‌رده‌وام دا كو ب باشترین شێوه كارێ خوه ئه‌نجام بده‌م، ئانكو رۆژ بۆ رۆژێ داهێنانێ بكه‌م و ژ چاڤلێكرنێ دوور كه‌ڤم.
هه‌روه‌سا گۆت: جهێ داخێ یه هه‌تا نوكه ل كوردستانێ ده‌زگه‌هێن راگه‌هاندنێ یێن ل سیبه‌را حزب و كۆمپانی و هنده‌ك بازرگان دا كار دكه‌ن و ئه‌ڤ چه‌نده دبیته ئه‌گه‌ر كو ئاستێ راگه‌هاندنێ وه‌كو پێدڤی به‌ر ب پێشڤه نه‌چیت، چنكو هه‌ر كه‌ناله‌ك یێ نه‌چاره ب گۆڕه‌ی وێ سیاسه‌تێ و رێنمایان كاربكه‌ت ئه‌وێن ژوی لایه‌نی بۆ ده‌ردكه‌ڤن، كو ئه‌و ژی ئه‌ون یێن پشته‌ڤانیا دارایی ل وان كه‌نالان دكه‌ن، هه‌روه‌سا پێدڤیه كه‌نالێن مه یێن راگه‌هاندنێ باشتر ب ئه‌ركێ خوه راببن و پشته‌ڤانیێ ل دادگه‌هێ و داموده‌زگه‌هێن یاسای بكه‌ن ژبۆ هندێ كو رێژا كوشتن و خۆكوشتنێ كو نوكه بۆیه دیارده‌یه‌ك ب ئێكجاری نه‌مییت و پێدڤیه راگه‌هاندن ببیته پێشه‌نگ بۆ نه‌هێلانا وێ دیاردێ، هه‌روه‌سا پێدڤیه سانسۆر و چاڤدیرێ ژی ل سه‌ر كه‌نالێن راگه‌هاندنێ هه‌بیت.
