راگەهاندكارێن ژن دشێن گوهۆڕینان پەیدا بكەن
دلڤین رەشید:
مەدیاكار (نیرۆژ سەدیق یوسف) د دیدارەكێ دا بۆ روژناما ئەڤرۆ دیاركر كو ئەو خەلكا باژێرێ دهۆكێ یە، ژیێ وێ بیست سالن، ئەڤە سێ سالن دەست ب كارێ راگەهاندنێ كری و دەستپێكا وێ ل كەنالێ وار تیڤی بوو، پشكا زارۆیان، لێ نوكە پێشكێشكار و پەیامنێرە ل هەمان كەنال.
ناڤهاتیێ گۆت: راستە د قوتاغا نوكە رێژەیەكا باش یا ژنان هاتینە دبۆارێ راگەهادنێ دا و هەتا رادەیەكی ژی شیانە رۆلەكی باش ببینن، بەلێ ل دووف خواستا مە نینە، ب دیتنا من ئەگەر ژن دپیشەیا رۆژنامەڤانی دا نەبن دێ ڤالاهیەكا مەزن هەبیت، ب تایبەت ژی دێ كێماسی د هەڤسەنگیا كاری دا پەیدا بیت ژلایێ رەگەزی ڤە، لەورا یا گرنگە ئەڤ یەكسانیا جێندەری هەبیت، چنكو راگەهاندكارێن ژن دشێن گوهۆڕینان پەیدا بكەن و گەنجێن مە ب گشتی و راگەهاندنكارێن ژن ب تایبەتی خودان هێز و ئیرادەكا مەزنن دشێن رۆلەكی باش دناڤ جڤاكی دا بگێڕن.
