راگەهاندنا بنگەهێ لالش ژ ئێكەمانە
بێوارحەمدی:
كاروان حاجی، بەرپرسێ راگەهاندنا بنگەهێ لالش یێ رەوشەنبیری و جڤاكی، د دیدارەكێ دا بۆ رۆژناما ئەڤرۆ گۆت: پشتی من ئەڤ بەرپرسایەتیە وەرگرتی مە شەڤ و رۆژ كرنە ئێك دا خزمەتێ بكەین و ب پشتەڤانیا حكومەتا هەرێما كوردستانێ ئەم شیاین كەنالێ (سەما) یێ ئاسمانی كو یێ تایبەتە د بۆارێ ئێزدیان دا ڤەكەین و ئەز دشێم بێژم راگەهاندنا بنگەهێ لالش ژ ئێكەمانە، چنكو چو جاران نەبوویە ئەگەرێ تێكدانا جڤاكی هەردەم پشتەڤانە ژبۆ پێكڤەژیانێ، ژبەركو برایێن مە یێن موسلمان ژی گەل مە كاركەن.
هەروەسا گۆت: ئەم گەلەك سوپاسیا حكومەتا هەرێما كوردستانێ دكەین كو هەموو داخوازیێن مە بجه ئیناینە و ئەم نوكە یێ كاری ل سەر گرۆپەكێ كۆرالا مۆزیكێ یا ئێزدیان دكەین و مە دڤێت ب رێكا ڤی كۆرالی خزمەتا ستران و مۆزیك و هونەرێ ئێزدیان بكەین و دەنگێ وان بگەهینە هەموو جیهانێ.
