راگەهاندنا كوردی د ئاستەكی باش دایە
ئەڤرۆ
دلڤین رەشید:
ئەڤین عەبدولرەحمان، رێڤەبەرا رادیۆیا دەنگێ یەكسانی، د دیدارەكێ دا بۆ رۆژناما ئەڤرۆ دیاركر كو ئەڤە بۆ ماوێ هەڤدە سالانە ئەو د بۆارێ راگەهاندنێ دا كاردكەت و نوكە رێڤەبەرا رادیۆیا دەنگێ یەكسانی یە كو سەر ب رێڤەبەریا تۆندۆتیژی دژی ئافرەتان و خێزان ل هەولێرێ، هەروەسا راهێنەرا نێڤدەولەتی یە د بۆارێ گەشەپێدانا مرۆڤی دا و باوەرناما ماستەرێ ب زانسێ دەروناسی كومەلایەتی هەیە.
ناڤهاتیێ گوت: ب دیتنا من نوكە راگەهاندنا كوردی د ئاستەكی باش دایە، چنكو دڤان سالێن بۆری دا مە گەلەك میدیاكارێن ئەكادیمی هەبووینە و هەكە نە ئەكادیمی ژی بن مە رۆژنامەڤان هەنە خزمەتەكا دوور و درێژ دڤی بۆاری دا كرینە، ئەڤ چەندە ژی یەكسانیێ پەیدا دكەت، كو میدیا كوردی ژی دقوناغەكا باش دا بیت، بەلێ هەردەم ئاستەنگێن كلتۆرێ وجڤاكی د زال بووینە ل سەر میدیاكاران، نەخاسمە ئافرەتان، لێ هەكە بەراودەكێ دگەل سالێن بۆری بكەین دێ بینین باشترە، چنكو رێژا ئافرەتێ دمیدیایێ دا زێدە بوویە وشیایە رۆلێ خوە ب باشی بگێرت و بزاڤێن خۆرتر دكەن ژبۆ پەیدا كرنا یەكسانیا جێندەری دمیدیایێ دا، لەورا پێدڤیە ئەم وەك میدیاكار نەراوستێن دا ببیتە وەرچەرخانەك بۆ قوناغا داهاتی، دا میدیا كار بشێت هشیاریێ زێدەتر دناڤ خەلكێ دا پەیدا بكەت.
