راگەهاندنێ ب پیشەیا خوە یا سەرەكی دبینم
هەرهن محەمەد:
درەخشان خالد، پەیامنێرا دهۆك تیڤی، ددیدارەكێ دا بۆ رۆژنامەیا ئەڤرۆ گۆت: راگەهاندنێ ب پیشەیا خوە یا سەرەكی دبینم، ژبەركو دەرچوویا پەیمانگەها تەكنیكی پشكا راگەهاندنێ مە و هەر د هەمان دەم دا نوكە ژی قوتابیا كولیژێ مە و ل هەمان پشك دخۆینم و ل گەل خواندنا خوە من دەست ب كارێ راگەهاندنێ كریە و هەتا نوكە یا بەردەوامم و گەلەك حەزژێدكەم، بەلێ هەموو دەمان ژی مرۆڤ ل سەر كارەكی نە راوەستیت ژی باشترە و هندی مرۆڤ گوهۆڕینان بكەت باشترە.
هەروەسا گۆت: هەركارەكێ مرۆڤ بكەت و دەرحەق نە دەركەڤیت مرۆڤ یێ بەردەوام نابیت و ل دەڤەرا بەهدینان ژی كچ گەلەك یا كێمە كارێ ئەكتەریێ بكەت و د رۆژنامەڤانیێ ژی دا ئاستەنگ بۆ كچێ هەنە، بەلێ نە وەكو ئەكتەریێ وەكو سەبۆڕا من بۆ ئەكتەریێ وەكو كار من چ خۆشی ژێ نەدیت وەكو رۆژنامەڤانیێ و ئەڤ چەندە بۆ ئەگەر یا بەردەوام نەبم د ئەكتەریێ دا و رۆژنامەڤان دانپێدانێ ب مایك هەلگران ناكەن وەكو رۆژنامەڤانەكێ سەركەفتی، چونكو تشتێ بۆ وی یێ گرنگ ئەوە دێ چاوا پەیچێ خوە ئینتە بەرچاڤ و لایك و كۆمێنتان ب دەست خوە ڤە ئینت، بەلێ رۆژنامەڤانێ راستەقینە بیت ئەو چەندە دێ بۆ وی یا گرنگ بیت پەیاما خوە ب دروستی ب گەهینت.
