راگەهاندن پیشەیەكا وژدانی یە
هەرهین محەمەد:
دژوار سەعید، پیشكێشكارێ بەرنامێ (سپێدە باش زاخۆ) ل دەلال تیڤی و رادیۆیا زاخۆ، د دیدارەكێ دا بۆ ئەڤرۆ دبێژیت: نوزدە سالێن ژیێ خوە من پێشكێشی راگەهاندنێ كرینە و گەلەك كارو دەلیڤەیێن باش بۆ من چێبوون، بەلێ ژبەر كاری من ئەو دەلیڤە ژدەستدان و ب مخابنی ڤە نوكە دبینم هندەك كەس بووینە پێشكێشكار و نە یێن پێشكێشكاریێ نە و هاتینە د ئەڤی بۆاری دا ب رێیا سۆشیال مەیدیایێ و نوكە بەرنیاس بووینە و بووینە راگەهاندكار و نوكە رۆل رولێ وانە و پێشكێشكارێ راست و دروست دەستپێكێ دڤێت شێوازێ ئاخفتنێ هەبیت و رێزێ ل كەسێ بەرامبەری خوە بگریت و خودان كەسایەتیەكا باش بیت و ب رەوشت بیت و هاتبییتە دراگەهاندنێ دا ب مەرەما خزمەتكرنی َنەكو خوە بەرنیاسكرنێ و پێزانینێن دروست بەلاڤ بكەت، چونكو راگەهاندن پیشەیەكا وژدانیە. هەروەسا گۆت: نەشێم ب دروستی دیاربكەم كا خەلك من ب دۆبلاژێ دنیاسن، یان پێشكێشكاریێ، چونكو ل ڤێ دووماهیێ من دەست ب كارێ دۆبلاژێ كریە و راستە دو كارێن نێزیكی ئێكن، بەلێ ئەو كارێ من پتر پەیاما خوە تێدا گەهاندی دۆبلاژ بوویە، چونكو دۆبلاژێ دا دەنگێ من كەفتیە سەر سیمایی َگەلەك كەسایەتیان و من ئاخفتنێت كاریگەر گۆتینە و پێ بەرنیاس بوویمە.
