راھێنەرێ بەرشەلۆنا ئەگەرێ خوسارەتیێ ئاشکرا کر
ئەڤرۆ نیوز:
یانا بەرشەلۆنا پشتی ل شەڤا بوری توشی خوسارەتیەکا نە چاڤەرێکری بووی ل سەر دەستێ یانا لیڤەرپول ب چار گولان بێ بەرامبەر ژ چارچوڤێ یاریێن قوناغا پێش دووماھیا قارەمانیا چامپیونیز لیگا ئورۆپا و د سەرجەمێ ھەردو یاریان دا لیڤەرپول دەربازی دووماھیا قارەمانیێ بوو ب چار گولان بەرامبەر سێ گولان و پشتی یاریێ راھێنەرێ بەرشەلۆنا ڤالڤێردی دیارکر راھێنەر ھەردەم بەرپرسە ژ خوسارەتیا تیما خوە و بەرپرسێ ئێکێ ل ناڤا تیمێ راھێنەرە ھەردیسان ئاستێ لیڤەرپول ژ ئاستێ ئەوان باشتر بوو، پێدڤی یە ل سەر ئەوان ئەو پیروزباھی ل تیما بەرامبەر بکەن .
ھەردیسان ناڤبری دیارکر ژی ھەردو گولێن دوێ و سێ د ماوێ ٢ دەقیقان دا دربەکێ مەزن ب ئەوان کەڤت و ھیڤیەکا مەزنتر دا وێ یانێ .
ھەردیسان راھێنەرێ بەرشەلۆنا ئاماژە ب وێ چەندێ ژی کر لێ ئەنجامێ یاریێ نە یێ پێشبینی کری بوو کو د یاریا ئێکێ دا ئەو بشێن سێ گولان توماربکەن و ل یاریا دوێ توشی خوسارەتیێ بەن ب چار گولان لێ ئەڤە تەپا پێ یە و پێدڤی یە ئەو ل سەر ڤێ چەندێ د رازی بن ژبەرکو ئەو نەشێن ھەردەم سەرکەفتنێ توماربکەن چار دێ خوسارەتی ھەبیت و جار سەرکەفتن و داخازا لێبورینێ ژ جەماوەرێ یانێ دخوازین.
سەبارەت پاشەرۆژا خوە ناڤبری ئاشکراکر ئەو ھزر ل پاشەرۆژا خوە ناکەت کا دێ چ رویدەت لێ ئەو نوکە ژی دیاردکەت ئەگەرێ ئێکێ یێ خوسارەتیێ ئەو خوە بەرپرسیار دبینت و ئەنجام نە ھەژی و ھەیبەتا ناڤێ بەرشەلۆنا بوو لێ ئەو دێ چاڤەرێ بن ھەتا دووماھیا ڤی وەرزی کا دێ چ رویدەت.
