راھێنەرەکێ دھۆکێ پشکداری خولکا نێڤدەولەتی دکەت
راھێنەرێ ئێکەتیا تەنسا ئەردی ل ھەولێرێ و کوڕێ پارێزگەھا دھۆکێ نوکە یێ پشکدارە د خۆلا Level 1 ئەوا تایبەت ب راھێنەرین تەنسا ئەردی یێن دەستپێکێ و ماوێ خۆلێ 10 رۆژن و شەمبیێ تاقیکرنا دووماھیێ بۆ ھەموو راھێنەرێن پشکدار د خۆلێ دا.
راھێنەرێ گەنچ ب تنێ ژ کۆردستانێ ب رێيا ئێکەتیا عیراقێ یا تەنسا ئەردی پشکداری د خۆلی دا کریە و ھەموو مەزاختیێن ھاتنوچوونێ ل سەر کیستێ وی نە بەرامبەر راھێنەرێن وەلاتێن دێ ل سەر کیستێ ئێکەتێن خوه ھاتینە.
ئالان کۆ پێشتر ئێک ژ یاریکەرێن زێرەک بوو ل پارێزگەھا دھۆک گۆت: “پشکدارێن ڤێ خۆلێ ژ وەلاتێن -ئوردن، عومان، عه‌ره‌بستانا سعودی، قەتەر، ئەفغانستان و تورکمانستان- ھاتینە بۆ پشکداریێ”.
راھێنەرێ ھەلبژارتیێ ھەولێرێ تیشک خستە ل سەر ئاستێ خۆلێ و گۆت: “خولەکا ب ھێزە زۆر وھەموو راھێنەر د گەنجن و یاریزانێن ھەلبژارتیێن وەلاتێن خوه نە و پشکداری د قارەمانیا دیڤز کاپ دا کریە و من مفایەکی مەزن ژ ڤێ خۆلی دیتیە و پیزانێن باش تێدانە وانەیێن خۆلێ ژ لایێ ئەمیر بۆرگی پەرپرسێ پێشڤەبرنا تەنسێ ل رۆژھەلاتا ناڤین دھێنە گۆتن”.
ل دووماھیێ ناڤبری دیارکر بۆ پێشڤەبرنا ئاستێ خوه ئەو یێ بەرھەڤە پشکدارێ د ھەموو خۆلێن راھێنانا دا بکەت بۆ خزمەتا تەنسا پارێزگەھێ.
