رزگاربووین داعش دێ ملیۆن دیناران وەرگرن
ئەڤرۆ نیوز:
وەزیرێ کوچ و کوچبەرێن عیراقێ کوژمەکێ پارەی بۆ کوردێن ئێزدی یێن رزگاربوویێن دەستێ تیرورستێن داعش دێ تەرخان کەت.
ئەڤرۆ رۆژا ئێکشەمبی ٢٧-١-٢٠١٩ نەوفەل بھا موسا، وەزیرێ کوچ و کوچبەرێن عیراقێ د بەیاننامەکێ دا راگەھاند ئەو ژنێن ئێزدی یێن ژ دەستێ تیرورستێن داعش رزگاربووی تووشی کارەستان بووینە و ئەو دێ پشتەڤانیا وان کەن.
ناڤھاتی دیارکر د یاسایا بوودجەیا سالا ٢٠١٩ دا کوژمێ ئێک ملیۆن دینار بۆ ھەر کەسەکێ تەرخانکریە ئەوێن ژ دەستێ تیرورستێن داعش رزگاربووین.
ھەژی گۆتنێ یە ل تەباخا سالا ٢٠١٤ تیرورستێن داعش ھێرشی شنگال کر و ھژمارەکا مەزن یا کچ و ژن و زاروکێن ئێزدی رەڤاندن، پاش پشتی چەندین بزاڤێن حوکمەتا ھەرێما کوردستانێ ھژمارەکا وان کچ و ژنێن ئێزدی ھاتنە رزگارکرن.
