رزگاربوویهكا ژ دهستێ داعش
رزگاربوویهكا ژ دهستێ داعش:
16 كهس ژ مالباتا من رزگاربوون و ئهم 20 كهفتینه دهستان
ههژین رێكانێ
ئیمان عیدۆ، كچهكا ئێزدیه و خهلكا شنگالێ یه، ئهو ل گهل خێزانا خوى و خووشك و برایێن خوه كو شهش خیشك و سێ برانه ب ئارامی و ئازادی ل حهردانێ دژیان، بێی پێشبینیا وێ یهكێ بكهن كو رۆژهك شهر و جهنگ دێ روودهت، و بیته ئهگهرێ دوورخستنا وێ ژ خێزانا وێ، ئیمان ل سهر خواندنا خوه یا بهردهوام بوو، وی دهمی پۆلا چارێ سهرهتایی ب دووماهی ئینابوو و ژ یێ وێ (نهه) سال بوو و ژ نشكهكێ ڤه ل ٣/٨/٢٠١٤ دا ژمارهیهكا مهزن ژ چهكدارێن داعش هاتنه ناڤا گوندێ حهردان یا سهر ب قهزا شنگالێ و ئێڤاریا ههمان دوباره هێرشی حهردانكرن و دهست ب رهڤاندنێ كرن ل مالباتا من ١٦ كهس شیان رزگار ببن و ئهم ٢٠ كهس ژ كهتینه دهستێ داعش دا”.
ئیمانێ گۆت:”ل دهستپێكێ ئهم برین بۆ تلهعفهر و پاشى برینه زیندانا بادۆش و پشتی شه رۆژان دا ژ وێرێ دهركهڤین ژ بهر شهڕی نهشیاین دهربكهڤین، پاشی ئهم ڤه گوهاستینه قوتابخانهكێ و دهما داعش دهاتنه وێرێ مه خوه ڤهدشارت، چونكی مه ددیت دهما وان ئهو كچه پێشچاڤێن مه ئهشكهنجه ددان و دبرن. ئهو دیمهنه پێشچاڤێن من نهدچوون ب شهڤ ژی د وان هزران دا دمام، پاشى ئهم برین بۆ گوندێ (كهسر میحراب)، ئهو گوند نێزیكی (تلهعفهره)و ههر هندهك ژ مه كرینه د خانیهكێ ڤه و كچ ماما من ب ناڤێ (نیدال) ل گهل مندا بوو ل وی خانی ڤه ئهز و كچ ماما خوه نه دوێریان بهردهوام د وی خانی دا بمینین، ئهم سپێدێ دهردكهتین (١٠) ب شهڤێ دزڤرینه وی خانی دا. ل ڤێرێ دهستپێكهكا نهخۆش بوو كو ب دههان چیرۆكێن تراژیدی مه دیتن پشتی سێ ههیڤا ئهم برینه گوندێ (قزلقیۆ).
ئیمانێ گۆت” ئهز و كچ ماما من (نیدال) ژی ژ ههڤدو دووركرین، داعشهكێ ئهز ل گهل خوه برم ب بههانهیا هندێ كو دێ من بهته دهف نیدالێ من باوهری پێ نهدهات بچم، لێ ژ بهر نیدالێ نهچار بووم بچم. ئهز برمه د مالهكێ دا و داعشهك دژیێ (٤٠) سالیێ دا هاته وێرێ دكره كهنی و گۆت ئهز دێ (ئیمانێ) بۆ خوه بهم، دیسا وی ژی ئهز برمه ئاڤاهیهكێ مهزن كو بهرپرسێ مووسل ههمیێ ل وێرێ بوو ب ناڤێ (ئهبۆ معتهز)، گۆته من پێلاڤێن خوه بكهیێ من ژی سهحكره ناڤ چاڤێن وی و من كرهگری، شهڕێ من كر و ئهز برمه ناڤ خێزان و زارۆیێن خوه، و پشتی ههشت رۆژان، ئهز فرۆتمه برایێ خوه یێ ب ناڤێ (سهردار) دژیێ وی (٣٠) سال بوون و وی دهستدرێژی كره سهر من و ئهز كرمه خزمهتكار بۆ خێزانا خوه، وی ئهز فرۆتمه چهكدارهكێ دی ب ناڤێ (ئهبۆ عائیشه)، كو د ژیێ (٥٠) سالیێ دا بوو، بۆ ماوێ دو سالان ژێردهستێ وی و خێزانا وی مام و وی ژی ههمان رهفتارێن داعشێن پێشتر دكر د وی دهمی دا من زێدهتری (١٠) جاران ههولا رهڤینێ دا لێ سهركهفتی نهبووم، و د بهرامبهردا سزایێن توندتر ددانانه بهر من، چ چاره نهمان من ههولا خوهكوشتنێ دا.
د بهردهوامیا پهیڤینا خوه دا ئێمانێ گۆت: پشتی دو سالان، شهر كهته د ناڤا باژارێ مووسل دا و سهرباز هاتنه وێرێ ژ ترسا شهری و گیانێ خوه، وانا ئهز فرۆتمه داعشهكێ دی ب ناڤێ (ئهبۆ عهبدوللا) د ژیێ (٣٠) سالیێ دابوو و نۆشدارێن نشتهرگهرێ گشتی بوو، بۆ ماوێ سالهكێ ل ژێر دهستێ وی ژی مام وی ژی رهفتارێن داعشێن دی دكرن، پاشى ئهو خێزانا داعش ژی ژههبوونا شهری رهڤینه دهرڤهی وهلاتی و ئهز رادهستی كهسهكێ دی كرم و گۆتێ ببهنه گوندێ (عیازیێ)، وێری ژی بهری رزگارببم، چار كهسان د ئێك دهم دا دهستدرێژی كره سهر من.
پاشی ئهم (پێنچ) كچ كهفتینه ل گهل ئێك و مه ههول دا برهڤین و گههشتینه چۆلهكی، ههر ل نێزیك وی گوندی مه دیت ههمی خێزانێن داعشان ل وێرێ بوون، چهكدارێن داعش ژی ب دووڤ مه دهاتن و تهكلیف ب مه كر كو ناڤێ وان ئاشكرا نهكهین د بهرامبهر دا ئهو دێ تێلهفۆنێ دهنهفمه، مه ژی پهیوهندی ب پێشمهرگا كر و هاتن ئهم رزگاركرین و ئهو (سێ) كهسێن داعش ژی دهستهسهركرن و ئهم رادهستی خێزانێن مه كرین ل نێزیك زومار.
دهما رزگاربوویم، كارتێكرنا نهرێنی یا دهروونی ل من هاتبوو كرن ژیێ من ببوو (١٣) سال، و نها د ژیێ (١٥) سالیێ دامه، لێ خێزانا من هاریكار بوو ل گهل من و ئهز هاندام كو بپهیڤم و پهیاما خوه و وان كچێن ل ژێر دهستیێ دا بگههینم ب بهلگهڤه، و نها بهردهوامم ل سهر خواندنا خوه، ئهڤ ههمی نهخۆشیه نهبوونه ئهگهر كو ئهز دهست ژ خواندنا خوه بهردهم و بهردهوامبووم د رێیا ئارمانجێن خوه دا و من ژیانا خوه كره پرتووكهك و من بهلاڤكر و ناڤێ پرتووكا ژیانا من ب ناڤێ (گازیا ئیمانێ).
