ره‌حمان ژ بلي دهۆكێ ياريێ بۆ چو يانێن دي ناكه‌ت
ياريكه‌رێ به‌رێ نوكه يێ باسكا دهۆك دياركر نوكه وي ل گه‌ل يانا دهۆك يا خولا كوردستانێ ده‌ست ب راهێنانان كريه و نوكه ئه‌و د قوناغا دووماهيا چاره‌سه‌ريا خوه دايه بۆ ڤه‌گه‌ريانێ و ژ بلي يانا دهۆك ياريێ بۆ چو يانێن دي ناكه‌ت.
زێده‌تر ره‌حمان ئه‌حمه‌د د ديداره‌كێ دا بۆ رۆژناما ئه‌ڤرۆ گۆت: ماوێ زێده‌تر ژ ساله‌كێ يه ژ ئه‌گه‌رێ هنگافتنه‌كا دژوار ژ ياريگه‌هان دوركه‌فتيمه و هه‌تا نوكه سێ نشته‌گه‌ري من بۆ خوه ئه‌نجامداينه و نوكه هه‌تا راده‌كێ باش ژ ڤێ هنگافتنا تووشبويمێ خلاس بويمه و نوكه د قوناغا دووماهيا ڤێ چاره‌سه‌ريێ دامه، له‌ورا نوكه دوباره شيايمه ڤه‌گه‌رمه راهێنانێن خوه ل گه‌ل تيما باسكا دهۆك يا خولا كوردستانێ و دێ يێ به‌رده‌وام بم هه‌تا ماوێ زێده‌تر ژ هه‌يڤه‌كا دي داكو بشێم دوباره ب فه‌رمي ڤه‌گه‌رمه ياريگه‌هان بۆ كرنا ياريێ.
ناڤبري ل دۆر چاره‌نڤيسێ خوه ل گه‌ل باسكا دهۆك دياركر ئه‌و يانا دهۆك ب مالا خوه دزانيت و هه‌ر ده‌مێ وي خواستيه ده‌رگه‌هێ يانێ بۆ وي يێ ڤه‌كريه بۆ كرنا ياريێ، له‌ورا نوكه ژي هه‌ر ده‌مێ ب تمامي ژ هنگافتنێ خلاس بوو ئه‌و بۆ چو يانێن دي ژ بلي دهۆكێ ياريێ ناكه‌ت.
