رهخنهگرتن و سیاسهت ..
نموونه
((نێچیرڤان بارزانى))
ژ نڤێسینا: رهمهزان نهسرهددین كێڤلى
سهرۆكێ كۆمهلا ئهكادیمێن زانستێن سیاسى
رهخنهگرتن دهربرینهكا كهسایهتى یه ژ لایێ كهسهكێ ڤه چ ب نڤێسین یان گۆتن ل سهر وان كریار و پرۆسا یێن وهكو بهرههمێ مرۆڤى دهێن هژمارتن چ ئهو بهرههم نڤێسین بن یانژى هندهك ئافراندین دى بن، یانژى ئهو گۆتن و كریارێن رۆژانه مرۆڤ ئهنجامددهت، دیسا دبیت كهسهك یان گرۆپهك یا حزبهكا سیاسى ئهڤێ چهندێ بكهت.
گهلهك هزرمهندا وهسا دهنه دیاركرن كو هزرا نوو، بخو رهخنه گرتنه، چونكو دهربرینهك تازیه ل سهر دیاردهكێ چ ئهدهبى یا سیاسى جڤاكى بیت دهمێ ئهم بهحس ل رهخنێ دكهین گهلهك وهسا دبین مهرهم ژێ كێمكرن و بێ بههاكرنا وى بهرههمى یه، بهلێ چ راستى بۆ ڤێ چهندێ نینه، بهلكو ههر بهرههمهكێ بكهفته ل بن رهخنهگرتنێ رامانا وێ ئهوه وى بهرههمى كاریگهریا خوه ههبوویه و نهخاسمه د وارێ سیاسى دا چونكو سیاسهت بۆ رێكخستنا كاروبارێن وهلاتى دهێته داریشتن و گومان تێدا نینه ئهڤان سیاسهتان دێ كێموكاسیێن خوه ههبن، لهورا ژ ههمى رویهكێ ڤه پێدڤى یه پێداچوون ل سهر بهێتهكرن و ل دهمێ بۆری دا ههرێما كوردستانێ دو جۆرێن سیاسیان ههبووینه سهرهدهرى ل گهل رهخنێ دكرن جۆرهك رهخنه ب خیانهت هژماردكرن، ئانكو ئهو كهسێن رهخنه ل كار و چالاكیێن حوكمهتێ دگرتن دكهتنه ل بن میكرسۆپێ بێ فامیا هندهك سیاسیان كو د بنهما دا ئهو سیاسى نهبووینه و رهخنهگرتن ب كوفر دهژمارتن دبیت ئهو ل كۆژیهكی مافداربن، چونكو خهلكهلهك ههبوویه ب ناڤێ رهخنهگرتنێ كهربوكینیا خوهیا سیاسى دارێشت، بهلێ چ جاران كهربوكینى و هێرشێن پشكهك ژ كرێگرتیان نابنه رهخنه ههردهما ته ئهڤ جۆره هزره دیتن ل سهر وى كهسێ یێ نڤێسینهكێ ب ناڤێ رهخنێ بهلاف دكت بزانه ئهو نه رهخنه گره و رهخنێ گرێ راستهقینه ئهوه یێ وى پرۆژهیێ یان بهرههمى یان وێ دیاردێ زهنگێن دكت ب خواندن و پێشنیازێن خوه.
جۆرێ دووێ یێن سیاسیان رهخنهگرتنێ ب سینگهك بهرفهرهه وهردرگرتن نموونه ل دهمێ بۆری ب رێز نێچیرڤان بارزانى وهكو كهسهك سیاسى زۆر ب شێوازهك نهرم و جوان و ئهكادیمى سهرهدهى ل گهل رهخنێ و رهخنهگران كریه دبیت بۆ سیاسیهكێ ئهڤ چهنده زۆرا ب ساناهى نه بیت و دبیت ى بۆ ناڤخوهیا حزبهكێ ى ئهڤ چهنده یا ب زهحمهت بیت، چونكو بهرژوهندى و دووربینا ههمى سیاسیان وهكو ئێك نینه، بهلێ سهرۆك وهزیران ههم ل سهر ئاستێ ناڤخوه و دهرڤه شیایه وهكو سیاسیهك سهردهمانه بهێته د ناڤ گۆرپانا سیاسى دا چ كوردستانێ یانژى ل عێراقێ و ب وان رهخنێن ل وى دهاتنه گرتن ههمى بوونه بهرنامه و كار شیایه بكهته د خزمهتا ئهزمۆنا دیمۆكراسیا ههرێما كوردستانێ دا، ئهزموونا ههر وهلاتهكێ ب رهخنێ گهشه دكت و نابیت رهخنه ببت ئالاڤهك بۆ تێكدان و نهئارامیا سیاسى، چونكو وى دهمى ئهوێ رهخنێ چ رامانێن خوه نامینن و ههمان دهم دا نابیت سیاسى ژى تهماشهیێ رهخنێ بكن وهكو دژایهتكرنهك بۆ وان بهلكو رهخنێ بكن ئالاڤهك بۆ گهشه سهندێن هزرى و سیاسى و جڤاكى و ئابوورى.
قووناغا داهاتى كو نهخاسمه دبیته قووناغهك نوو ژ ئهزموونا ههرێما كوردستانێ پێدڤى یه جهێ رهخنهگران و هزرمهندان و رهوشهنبیران ل پێشیا ههر كهسهك بیت تاكو ل وان ههمى ئاستێن ژیانا رۆژانه یا خهلكێ كوردستانێ چاكسازیێن بنهرت بهێنه ئهنجامدان ومفا ژ رهخنهگران بهێته وهرگرتن و بۆ مه دیاربوو نه ب رهخنێ ئهم خراب بووین، بهلكو رهخنه بۆ ئالاڤێ سهركهفتنا مه د ماوێ بۆری ژى دا..
