ره‌مه‌زان سه‌دیق: بۆ سه‌ركه‌فتنێ دێ به‌رانبه‌ر زه‌ورا یاریێ كه‌ین
عەلی حاجی:
پشتی بۆ ماوه‌یێ نێزیكی مه‌هێ ژ ڕاوه‌ستیانا خولێ بڕیاره ل ئه‌ینییا بهێت تیما فوتبۆلا یانه‌یا زاخۆ ل پایته‌ختێ ئیراقێ به‌غدا ببیته مێڤانا یانه‌یا زه‌ورا ژ هه‌ڤڕكیێن گەرا چارێ یا خولا ستێرێن ئیراقێ، ره‌مه‌زان سه‌دیق ئێك ژ ستێرێن یانه‌یا زاخۆ گه‌شبینه ب ده‌ستڤه ئینانا ئه‌نجامێ یاریێ ئه‌وێ د دیداره‌كێ دا بۆ رۆژنامه‌یا ئه‌ڤرۆ دیاركری دێ ب مۆراله‌كا بلند و بۆ سێ خالێن یاریێ هه‌ڤڕكیێ كه‌ن.
هه‌روه‌سان ناڤهاتی گۆت : پشتی سەرکەڤتنا مەزن ل سەر کەربەلا ب پێنج گۆلێن پاقژ و ڕاوەستیانا خولێ بۆ دەما ٢٠ رۆژان، کادرێ ڕاهێنانێ کەمپەکێ نافخۆ بۆ تیمێ دانابوو پێخه‌مه‌ت پاراستنێ ل سەر شیانێن جەستەیی یێ یاریزانان بهێته كرن، هەر دیسان داکو یاریزان ژی ژ کەش و هەوایێ یاریێن خولێ دوور نەکەڤن و لێک تێگەهشتنەکا باشتر ژی دناڤبەرا یاریزانان دا پەیدا ببیت، ئەو کەمپە ب سەرکەڤتیانە ب دووماهی هات، ئەم ب هەمی ڕەنگان ئامادەنە بۆ یاریا ل بەرامبەر زەورا و هەر چەندە یارییەکا ب زەحمەتە لێ مە هەمی بەرهەڤی کرینە ژ بۆ هندێ بشێن ئاست و ئەنجامەکێ باش پێشکێش بکەین، بێگومان تیما مە د ڕەوشەکا باش دا دەرباز دبیت و هەمی یاریزان ژی ب هیڤینە بشێن سەرکەڤتنەکێ تومار بکەین.
ناڤبری گۆت ژی: دەستەیا کارگێریا یانەیا زاخۆ هەمی پێدڤیێن تیمێ ژی ئامادە کرینە ژ بۆ هندێ ئەم ڤێ یاریێ دا سێ خالێن یاریێ پێشکێشی جەماوەری بکەن و هزرا مە بتنێ د نوکە دا ل سەر ڤێ یاریێ یە.
