ره‌نو جاف ئێكه‌م كچا ئه‌ندازیارا فرۆكه‌ڤانیێ ل كوردستانێ
هه‌ولێر، سولین سلێمان:
ره‌نو جاف، كو دهێته هه‌لبژارتن ئێكه‌م كچا ئه‌ندازیارا فرۆكه‌ڤانیێ ل كوردستانێ، د دیداره‌كێ دا بۆ رۆژناما ئه‌ڤرۆ گۆت: پشتی وه‌ستیانه‌كا زۆر من شیا خه‌ونا خوه یا زارۆكینیێ بجه بینم و بكه‌مه راستی، و هه‌رده‌م ئه‌ز دبێژم گه‌له‌كا گرنگه كورد ژی بهێنه دناڤ وارێ فرۆكه‌ڤانیێ دا، ب تایبه‌ت ئافره‌ت و هه‌ر تشته‌كێ مرۆڤی حه‌ز ل سه‌ر هه‌بیت و كار بۆ بكه‌ت دێ هه‌ر رۆژه‌ك هێت گه‌هیتێ، ئانكو دێ ب خه‌ون و هیڤیێن خوه شاد بیت.
هێشتا گۆت: جهێ داخێ یه هه‌تا نوكه ئه‌ڤ كاره دناڤ مه كوردان دا گه‌له‌كا كێمه، له‌ورا هیڤی خوازم ل سالێن بهێن ئه‌ندازیار و كاپتنێن فرۆكه‌ڤانیێ دناڤ مه‌دا زێده‌تر لێ بهێن، هه‌لبه‌ت بۆ من هه‌سته‌كێ خۆشه و جهێ شانازیێ یه كو ئه‌ز ئێكم كچا كوردم باوه‌رناما ئه‌ندازیاریا فرۆكه‌ڤانی وه‌رگرتی، و ئه‌ز سوپاسیا دایك و بابێ خوه دكه‌م بۆ پشته‌ڤانیا وان یا به‌رده‌وام ل گه‌ل من و نوكه ئه‌ز كارمه‌ندم ل فرۆكخانا سلێمانیێ یا نێڤده‌وله‌تی و من دڤێت بێژمه هه‌موو كه‌سان كو هه‌كه ته خه‌ونه‌ك هه‌بیت و كار بۆ بكه‌ی پشت راستبه دێ هه‌ر گه‌هیێ.
