“رهوشا ئاڤێ ل ههرێما كوردستانێ د بن كونترۆلێ دایه”
ههولێر، سولین سلێمان
رێڤهبهرێ گشتیێ ئاڤێ دیار كر، رهوشا ئاڤێ ب گشتی د بن كۆنترۆلا مه دایه و پێنگاڤێن باش ژ بۆ كێم ئاڤێ هاڤێتینه و گۆت: د ڤی ماوهیدا ٣٣ بیر هاتینه لێدان و ژمارهكا دیا دروستكرنا ڤان بیران دبن دیراسهكرنێدانه.
ئاری ئهحمهد رێڤهبهرێ گشتیێ ئاڤا ههرێما كوردستانێ د دیدارهكێدا بۆ رۆژناما ئهڤرۆ دیار كر “ل سالا بۆریدا ل سهر داخازیا ئهنجومهنێ وهزیرێن ههرێما كوردستانێ مه راپۆرتهك بلند كر و تێدا مه داخازا تهرخانكرنا ٣٥٦ ملیار دینار كرن ژ بۆ تۆرێن ئاڤێ و هێلێن ڤهگوهاستنا ئاڤێ، دیسا ژی چارهسهركرنا وێستگههێن ئاڤێ دگهل چهند بابهتهكێن دی كۆ ههر د ڤی چارچۆڤیدا بوون ل ههمی باژارێن ههرێما كوردستانێ.
ئاری ئهحمهد ئاشكرا ژی كر “ل ٢٠٢٢/٥/٢٩ ئهنجومهنێ وهزیران رازهمهندی ل سهر خهرجكرنا ٢٥ ملیار دینارا دان ژ بۆ تهڤایا رێڤهبهریێن ئاڤا ههرێما كوردستانێ د ئهو پارێ دی ژی ل ٣٥٦ ملیارا دێ مینیت كو دكهڤیته سالا داهاتی.
ئاری ئهحمهد ئاماژه كر”ژ بۆ چارهسهركرنا گرفتا كێم ئاڤیێ چار بیر ل سنوورێ ئاڤا دهوروبهرێ ههولێرێ هاتینه دروست كرن كۆ نێزیكی ٤٠ بیرا دبن و ب شێوازهكێ گشتی ئهڤ بیره دهێنه دروست كرن دا كۆ ببنه شینگرهوێن كێم ئاڤیێ.
هێشتا گۆت “گرفتێن كێم ئاڤیێ مه چارهسهر كرینه، چونكی ئهو گرفت هند مهزن نینن، مه بودجهكێ تایبهت ژ بۆ ڤێ چهندێ تهرخان كرینه و كارێ باش ژ بۆ كێمكرنا ڤان گرفتا مه ئهنجام داینه، ههر كولانهكێ ژی گرفتا كێم ئاڤیێ ههبیت ب رێكا تانكهرێن ئاڤێ وان ئاریشا دێ ژ بۆ چارهسهر كهین تا كو ب ئێكجاری ئهو ئاریشه بهێنه چارهسهر كرن.
