ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 7ى چريا ئێك يا 2015ێ ئه‌سمانێ دهۆكێ ل ده‌مێ نيڤرۆ دێ ژ هنده‌ك ئه‌ورێن كێم بۆ ئه‌ورێن ته‌مام هێته گوهۆڕين و پاشان باران باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن گزيرتا عه‌ره‌بى و فشارێن نزمێن رۆژهه‌لاتێ ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ ل ده‌مێ نڤيرۆ ژ هنده‌ك ئه‌ورێن كێم بۆ ئه‌ورێن ته‌مام بهێته گوهۆڕين و باران دێ باريت و ل هنده‌ك ده‌ڤه‌ران ژى ڤه پێلێن دژوار يێن بارانێ دێ بارن و بريسى ژى ل گه‌ل بن.
پشكا پێشبينيان دايه زايه زانين كو دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 32 پله، سلێمانى 36 پله، هه‌ولێر 35 پله و كه‌ركووك 37پله.
