روسته‌م ئه‌رگوشی: مۆزیكا كوردی كارتێكرن ل سه‌ر مۆزیكا بیانی دروست كریه
ئه‌ڤرۆ، ره‌مه‌زان زه‌كه‌ریا:
موزیكژه‌ن روسته‌م ئه‌رگوشی د دیداره‌كێ دا بۆ رۆژناما ئه‌ڤرۆ گۆت: ژ به‌ر وان كاودانێن ب سه‌ر هه‌رێما كوردستانێ دا هاتین هه‌تا راده‌یه‌كی ئه‌ز ژ كارێ مۆزیكێ دوور كریمه، به‌لێ د پلانا من دایه ل ده‌مه‌كێ نێزیك ده‌ست ب كارێن نوو یێن هونه‌ری بكه‌م و گۆت: “ئه‌ز حه‌ز ژ هه‌موو ئامیرێن مۆزیكێ دكه‌م، به‌لێ به‌هراپتر حه‌ز ژ ژه‌نینا ئامیرێ سازێ و عودێ دكه‌م”.
ناڤهاتی خویا كر كو مۆزیكا ره‌سه‌نا كوردی گه‌له‌ك یا كه‌ڤنه، چه‌وا مۆزیكا بیانی كارتێكرن ل سه‌ر مۆزیكا كوردی دروستكریه وه‌سا به‌رامبه‌ر مۆزیكا كوردی ژی كارتێكرن ل سه‌ر مۆزیكا بیانی دروستكریه وه‌ك توركی و فارسی و عه‌ره‌بی و گۆت: “تێكه‌لبوونا مۆزیكێ یا باشه، به‌لێ نابیت مۆزیك ره‌سه‌نایه‌تیا خوه ژ ده‌ست بده‌ت ئه‌ڤه دده‌مه‌كی دایه كو ته‌كنه‌لۆژیایێ گوهۆڕینێن مه‌زن دروستكرینه، لێ مۆزیكا كوردی گه‌له‌ك یا ره‌سه‌نه و تایبه‌تمه‌ندیا خوه هه‌یه “.
