روسیا دڤێت ببیتە مفادارێ ئێکێ یێ قەیرانا ئیرانێ
ئەڤرۆ نیوز، هۆشەنگ تاجر:
محەمەد ئەسەدی چاڤدێرێ سیاسی ل رۆژهەلاتێ کوردستانێ بۆ ئەڤرۆ نیوز دیار کر سزایێن گران یێن کو ئەمریکا ل سەر ئیرانێ سەپاندینە گەلەک دەرگەه ل ئیرانێ گرتینە و تشتێ نها دیار دبیت جارەکا دی ئیرانێ هەوارا خوە بریە روسیا و گۆت: (بێگومان روسیا دێ مفادارێ ئێکێ یێ قەیرانا ئیرانێ بیت، روسیا دێ پەترۆلا ئیرانێ ب بهایەکێ ئەرزان بکڕیت و پاشی ب دلێ خوە بفرۆشیت و دشێت ل هەمبەر پەترۆلێ کەلوپەلێن خوارنێ و ساخلەمیێ ژی بدەتە ئیرانێ).
ناڤهاتی ئەو یەک ژی دیار کر کو نها رەوشا ژیانا وەلاتیان ل ئیرانێ رۆژ ب رۆژی خرابتر لێ دهێت و مخابن هەتا نها ژی بەرپرسێن دەولەتێ درووشمان ل دژی ئەمریکا و ئیسرائیلێ بلند دکەن و چو بەرنامێن وان بۆ چارەکرنا ئاریشێن خەلکی ژی نینن.
