روسیا ل شەش وەلاتان بنگەهێن سەربازی ئاڤا دکەت
ئەڤرۆ نیوز:
ل گۆر راپۆرتەکا وەزارەتا دەرڤە یا ئەلمانیا کو ئەڤرۆ رۆژناما بیلد بەلاڤکریە تێدا هاتیە دیار کرن کو روسیا ل گەل شەش وەلاتێن ئەفریقیا رێککەفتن کریە کو دێ ل وان شەش وەلاتان بنگەهێن سەربازی ئاڤا کەت، ناڤێ هەر ئێک ژ وەلاتێن مسر، مۆزامبیک، ماداگاسکار و سودانێ د راپۆرتێ دا هاتیە دیار کرن و بەحسێ دو وەلاتێن دی نەهاتیە کرن.
ل گۆر راپۆرتا وەزارەتا دەرڤە یا ئەلمانیا ژ سالا ٢٠١٥ هەتا نها روسیا ل گەل ٢١ وەلاتێن جودا جودا کۆمبوون کرینە و داخواز ژ وان کریە کو بنگەهێن سەربازی لێ ئاڤا کەت، ئەو یەک ژی وەکو بزاڤەکێ ل دژی ئەمریکا دهێتە دیتن.
