روسیا ھێزێن زێدەتر ل رۆژئاڤا بجهـ دکەت
ئەڤرۆ:
بەرپرسەکێ ھێزێن سووریا دیموکرات راگەھاند کو چەند رۆژن روسیا ھێزێن زێدەتر ل دەڤەرێن سنوری یێن رۆژئاڤایێ کوردستانێ ل گەل تورکیا بجە دکەت و ئەو یەک ژی بوویە جھێ نەرازیبوونا تورکیا.
چاڤدێرێن سیاسی ژی دیار دکەن کو بەری نھا گەلەک کۆمبوون د ناڤبەرا ھێزێن سووریا دیموکرات و روسیا دا ھاتینە کرن و ھیزێن سووریا دیموکرات داخواز ژ روسیا کرینە کو رێ نەدەت تورکیا دەست ب ئۆپەراسیۆنەکا نوو ل باکورێ سووریێ بکەت و ل ھەمبەر دا روسیا ژی داخواز کریە کو ھێزێن سووریا دیموکرات ھەموو دەڤەرێن ل ژێر کۆنترۆلا خوە رادەستی رژێما سووریێ بکەن.
