روفاتێن 17 پێشمەرگەیان د گۆڕەكێ ب كۆم دا هاتنە دیتن
رەمەزان زەكەریا:
گۆرەكێ ب كۆم ل سنوورێ دەڤەرداریا حەویجە یا سەر ب پارێزگەها كەركووكێ ڤە هاتیە دیتن و روفاتێن 17 پێشمەرگەیان تێدانە.
یاسەمین مونزر، ڕێڤەبەرێ پشكا گۆڕێن ب كۆم ل نۆشدارییا داد یا ئیراقێ، د كۆنگرەكێ ڕۆژنامەڤانی دا ڕاگەهاند: د گۆڕەكێ ب كۆم دا ل سنوورێ دەڤەرداریا حەویجە یا سەر ب پارێزگەها كەركووكێ ڤە، گۆڕەكێ ب كۆم هاتیە دیتن، روفاتێن 17 پێشمەرگەیان تێدانە.
ئاشكراكریە: نموونە ژ هژمارەكا كەسوكارێن وان ل هەولێرێ هاتیە وەرگرتن ب مەرەما پشكنینێ و ئاشكراكرنا ناسنامەیا روفاتان.
دهێتە پێشبینیكرن كو ئەو پێشمەرگە ژ لایێ ڕێكخراوا تیرۆریستی یا داعشێ ڤە پشتی داگیركرنا دەڤەرێ، هاتبنە شەهیدكرن.
