روودانێن ل ئیرانێ دێ رۆژهەلاتا ناڤین ژی گوهۆڕیت
ئاژانسا دویچە یا ئەلمانیا د راپۆرتەکێ دا دیار کریە، خوەنیشادانێن ل ئیرانێ رۆژ ب رۆژێ بەرفرەهتر لێ دهێن، زێدەباری کوشتنا ب دەهان خوەنیشادەران و بڕینا هێلا ئینتێرنێتێ لێ خوەنیشادان گەلەک بەرفرەهتر لێ هاتینە و نها ل پڕانیا باژێرێن ئیرانێ خوەنیشادان هەنە، خەلک ژ دەستهەلاتا نها یا ئیرانێ بێزارن و ئێدی دخوازن دەستهەلاتا نها نەمینیت.
هەمان ئاژانسێ ئەو یەک ژی دیار کریە، دەستهەلاتا مەلایێن ئیرانێ ب سیاسەتا خوە یا شاش وەسا کرینە نها رەوشا ئابووری یا خەلکی گەلەک خراب بوویە، خەلک برسینە و یا نها روو ددەت مرۆڤ دشێت وەکو شۆرەشا برسیان بناڤ بکەت، دەستهەلاتێ ب هەموو شیانێن خوە بزاڤا ڤێ یەکێ کر دا خوەنیشادانان سەرکوت بکەت، لێ چەند رۆژ خوەنیشادان گەلەک مەزن بووینە و خەلک ژی ئێرشی هێزێن ئێمناهیێ دکەن و هەتا نها چەندین ئەفسەر و بەرپرسێن ئیرانێ ب دەستێ خوەنیشادەران هاتینە کوشتن، ئیران بەر ب قووناغەکا نوو ڤە دچیت و ئەو یەک دێ کاریگەریا خوە ل هەموو رۆژهەلاتا ناڤین کەت.
