روونکرنەک دەربارەی دابه‌شكرنا موچێ خانه‌نشینان دهێتەدان
ئەڤرۆ نیۆز ، تۆڤی :
رێڤەبەرێ گشتی یێ خانەنشینێن ھەرێمێ رادگه‌هینیت،کو گیروبوونا موچێ خانه‌نشینێن مه‌ده‌نى و سه‌ربازى هیچ په‌یوه‌ندیەک ب پرۆسا چاكسازیا حوکمه‌تێ ڤە نینه،دبێژیت ژی هه‌ر دەمێ پاره هاتە دابینكرن،دێ موچێ وان هێتە دابه‌شکرن.
ب ئەگەرێ نه‌بوونا پارێن پێدڤی خانه‌نشینێن سه‌ربازى و مه‌ده‌نى ل سالا بوری ب تنێ موچێ چەند هەیڤەکێن کێم وه‌رگرتیه،نوکە ژی دا هیچ دەمەک دیار نییه بۆ دابه‌شكرنا موچێ خانه‌نشینان.
حازم ئیسماعیل رێڤەبەرێ گشتی یێ خانەنشینێن ھەرێمێ ل وه‌زاره‌ت دارایى گوتیە،گیروبوونا دابه‌شكرنا موچێ خانه‌نشینێن سه‌ربازى و مه‌ده‌نى هیچ په‌یوه‌ندییه‌ك ب پرۆژێ چاكسازیا حوکمه‌تێ ڤە نییه، به‌لكو په‌یوه‌ندى ب نه‌بوونا پارێ پێدڤی ڤە هه‌یه.
هەروەسا گوتیە،هه‌ر دەمێ پاره هاتە دابینكرن، حوکمه‌ت چاڤەرێی هندێ ناكەت،تاکو چاكسازى د لیستێن خانه‌نشینان دا ته‌مام ببیت،ژنوو دێ موچه‌ی دابه‌ش کەت،لێ هەکە پاره هات دێ ئێکسەر ده‌ست ب دابەشکرنا موچێ خانه‌نشینان هێتەکرن.
دیسا دیارکریە ژی،ل حه‌فتیا بوری دا و ل ڤێ حه‌فتێ ژی وەزارەتا دارایی بزاڤێن خۆ ئێخستینە گەر بۆ هندێ کو هه‌رچى زوویه موچێ خانه‌نشینان بهێتە دابەشکرن،ئەم خانەنشینان و دلنیا دکەین کو هیچ كێشه‌یه‌ك د دابه‌شكرنا موچێن واندا نينه،ب تنێ ژبەر نه‌بوونا پارەی موچێن وان نەهاتینەدان.
