رویێ ڕاست

عەبدلقادر ئۆڕمانی

ل ناڤ تەیسۆكێن
شاكێن نیفاقێ
تە خاپاندم
ژ دلپاكیا خوە
من باوەر كر!
ل ناڤ نیسانۆكێن
خاكێن روقاقێ
تە خوە ڤەشارت
من ژی ژ هێجەتا تە
دیسا باوەركر!
لێ باش بزانە
وەریسێ فێلبازا
یێ كورتە
لەوڕا تو ئێدی
ب هزار لاپەڕێن
لێبۆرینێ خوە ب پێچی
ئەنیا ڕۆژێ
ماچی بكەی
تو نازڤری مینا بەرێ
تە ژ ساوێلكەیا
خوە یا جوان
ژەهرا خوە خویا كر و
تە ژ بێ فامیێ ژی
مخابن تە
خوە تاوانبار كر!

کۆمێنتا تە