ريال بۆ پاراستنا ناسناڤى و ئه‌تله‌تيكۆ ژى بۆ ناڤ مه‌زنان دێ ياريێ كه‌ن
ئەڤرۆ نيوز:
یاریێن دویێ یێن قوناغا چارێک دووماھیا قارەمانیا یانێن ئوروپا قارەمانێن خولان ئەف شەڤە دێ ب دووماھی ھێن و تێدا یانا ریال مە
مەدرید ھەلگرا ناسناڤی دێ ھەڤرکیا جیرانا خوە کەت پێخەمەت بەردەوامی دان ب ھەڤرکیێ و بەر ب پارستنا ناسناڤی بچیت ھەر چەندە ئەرکێ وێ یێ ب ساناھی نابیت ب ھەبونا ھنگافتنا و پشتی ئەنجامێ یاریا ئێکێ ب وەکھەڤی ب دووماھی ھات و ژلایەکێ دووڤە یانا یوڤانتوس ئەوا د بزاڤا دەربازبونێ دا بو جار ئێکی ژ ٢٠٠٣ وەرە دێ بەر ب یاریگەھا لویسێ دویێ چیت بو کرنا یاریێ ل گەل موناکو ب ھەبونا سەرکەفتنێ د یاریا ئێکێ دا ب گولەکا ب تنێ و ھەردو یاری دێ ل دەمژمێر ٩:٤٥ دێ دەستپێکەت.
ل یاریگەھا سانتیاگو بێرنابیو ئەرکێ یانا ریال مەدرید ئەوا دێ لێگەریانا دەربازبونێ بو جرا پێنجێ ل دووڤ ئێک بو قوناغا پێش دووماھیێ کەت یێ ب ساناھی نابیت چونکو ل حەفت یاریێن دووماھیێ یانا ئەتلەتیکو باشتر بویە ژ ریال ب تومارکرنا چار سەرکەفتنا و سێ وەکھەڤیان و دووماھی یاریا وان ب وەکھەڤی بەری حەفتیەکێ ب دووماھی ھاتیە.
بو ڤێ یاریێ دێ یاریکەرێ ھێلا ناڤین یێ کرواتی لوکا مودریچ پشکداریێ ناکەت ب ئەگەرا ھنگافتنێ، زێدەباری یاریکەرێ وێلزی گارس بێل ب ھەمان ئەگەر و دیسان ژ پێکھاتیێ راھێنەرێ ئیتالی کرلو ئەنشلوتی یاریکەرێ بەرازیلی مارسیلو یێ کێم بیت ب ئەگەرا راوەستاندنێ و نە یا مسوگەرە کەریم بنزیما ژی پشکداریێ بکەت و ل ھەمبەر یاریکەرێ کولومبی خامیس رودرێگز ئەوێ بو ماوێ دو ھەیڤان دورکەفتی دبیت ڤەگەریت و پشتبەستنا سەرەکی یا ریال دێ ل سەر رونالدوی بیت ئەوێ ل دووماھیا حەفتیا بوری گولا خوە یا پێنجیێ ل ڤی وەرزی تومارکری ھەر چەندە ئەرکێ رونالدوی یێ ب ساناھی نابیت ب ھەبونا ب ھێزترین ھێلا بەرەڤانیێ ل ئوروپا، چونکو کولتشونیروس ب تنێ ئێک گول ل سەر ھاتیە تومارکرن د ھەشت یاریێن دووماھیێ دا یێن قارەمانیا ئوروپا و جیرانا خوە بێ بارکریە ژ تومارکرنا گولێ چار جاران د دووماھی حەفت یاریان دا.
ل ھەمبەر یانا ئەتلەتیکو مەدرید ئەوا جھێ خوە ل گەل سێ یانێن پێشیێ یێن ب دەستڤەبرنا پلێتێن دەربازبونێ بو قارەمانیا بھێت مسوگەر کری دێ ل پێکھاتیێ وێ ھێرشبەرێ کرواتی ماریو مانزوکیش زێدەبیت پشتی ژ ھنگافتنێ خلاس بووی و دێ بیتە ھێزەکا زێدە ل گەل یاریکەرێ پێشکەفتی ئەنتونیو گریزمان د پێکھاتیێ راھێنەرێ ئەرژەنتینی دیگو سیمیونی.