رژدیێ ل سەر ئاخفتنێ بکە ل دەمێ پەیوەندیا سکسی
ئه‌ڤرۆ:
گەلەک ھەڤژین حەز دکەن ھندەک گۆتنێن دلداری ل گەل ئەنجامدانا ھەڤبەندیا گەرم بێژنە ھەڤدو، بەلێ ھندەکێن دی حەز دکەن بێدەنگی ھەبیت و ب تنێ ب ھەستێن خوە ب ھەست بگەھینە ھەڤژینا خوە، لەورا خانما ھێژا بزانە ھەکە ھەڤژینێ تە ل گەل ئەنجامدانا ھەڤبەندیێ حەز ژ ئاخفتنێ دکەت یان نە و ل دووڤ وێ چەندێ ھەرە دا ھەڤبەندیا ھەوە یا خۆش بیت.
رۆناھیا زێدە:
رۆناھی و پلا وێ د ژوورێ ڤە ئێک ھۆکارێن سەرکەفتنا ھەڤبەنیا گەرمن، رۆناھیا کز و یا کێم ژینگەھەکا رۆمانسی پەیدا دکەت و دبیتە ئەگەر مرۆڤ د ناڤ ھەڤبەندیەکا ب ھێز دا نقۆم بیت، رۆناھیا زێدە ژی پلا گەرماتیا ھەڤبەندیێ و رۆمانسیەتێ کێم دکەت، دبیت نەئارامی یان شەرمینی د ناڤبەرا ھەوە بلند بیت بتایبەت ل سالێن دەستپێکێ یێن ھەڤژینیێ، لەورا ھەموو دەما بلا رۆناھیا ژوورا تە یا کز بیت.
نە پویتەدان ب پاقژیا کەسوکی:
گەلەک ژن ل سالێن دەستپێکا ھەڤژینیێ گەلەک پویتە ددەنە پاقژیا خوە ل دەمێ ئەنجامدانا ھەڤبەندیا گەرم، ل گەل بۆرینا دەمی و دەمێ ژن ئاستەنکا شەرمێ و ترسێ دەرباز دکەت، دبیت بابەتێ پاقژیێ پشتگوە بھاڤێژیت و سستاھیێ تێدا بکەت. ئەڤ بابەتە یێ مەترسیدارە و دبیت ھەڤژینێ تە ژ تە دوور بکەت، ھەکە ئەو ب تەڤە ھاتە گرێدان پاقژیا خوە پشتگوە نەھاڤێژە.
