رۆبۆته‌كێ نوو ب چار پێیان
كۆمپانیا كاواساكی یا یابانی رووبووته‌ك به‌رچاڤ كر كو ب چار پێیان كار دكه‌ت و ده‌بل ئه‌كسنه ب ناڤێ «بێكس». دیزاینێ وی ژ په‌زێ كیڤی هاتیه وه‌رگرتن دا كو بشێت ل سه‌ر جهێن ب زه‌حمه‌ت ژی هاتنوچوونێ بكه‌ت.
بۆ جارا ئێكێ ئه‌ڤ رووبووته ل پێشانگه‌ها رووبووتان یا سالا 2022ێ ل توكیو هاتیه نیشان دان، گه‌له‌ك ژ ئاماده‌بوویان ب تایبه‌تمه‌ندیێن وی گه‌له‌ك سه‌رسام بوون.
«بێكس» ب قه‌رقوده‌كێ چار پێ كو تایره پێڤه‌نه دهێته نیاسین، ئه‌ڤه ژی رێخوشكه‌ریه‌كێ دده‌تێ كو ب ره‌نگه‌كێ گه‌له‌ك باش لڤینان ئه‌نجام بده‌ت.
دشیانێن ڤی رووبووتی دایه هه‌تا 100 كیلۆگرامان ب هه‌لگریت ژ كه‌رستان، ل گه‌ل هه‌لگرتنا كه‌سه‌كێ مه‌زن. د ڤیدیۆیه‌كێ دا كو ژ لایێ كۆمپاینا به‌رهه‌مئینه‌ر ڤه هاتیه به‌لاڤكرن، دیمه‌نێ ئێك ژ دروستكه‌رێن وێ نیشان دده‌ت كو ل سه‌ر پشتا رووبووتی یه و كاران پێ د سپێریت.
كارێن «بێكس» ڤه‌گوهاستنا كه‌لوپه‌لان ب خوه ڤه دگرت ل گه‌ل شیانێن كریارێن پشكنینێ ژ دوورڤه و ل وان ده‌ڤه‌رێن كه‌رستان به‌رهه‌م دئینن و یێن گه‌هشتن یا ب زه‌حمه‌ت.
