رۆتینا د ناڤ ژیانا ھەڤژینیێ دا بشکێنە

ئه‌ڤرۆ نيوز:

ژبەرکو ھەموو رۆژ وەکو ئێکن و کارێن ھەڤژین دکەن دوبارە دبن و ب ھەمان شێوە، ئەو یەک ژی دبیت ئەگەرێ خەمساریێ و سسیتبوونا پەیوەندیان د ناڤبەرا ھەردوویان دا، تشتەکێ سروشتیە پشتی دەمەکی ژ ھەڤژینیێ بێزاری و رۆتین بکەڤیتە پەیوەندیا وان.
لەورا پێدڤیە گەلەک ھشیار بن و دووڤچوونا وێ بێزاریێ بکەن و ھەر زوو خوە ژێ قۆرتال بکەن، ھەڤژینا خۆشتڤی ڤان شیرتان ل بەر چاڤ وەرگرە:

1- پلانێ بۆ ژڤانان بدانە:
چاوا خەلک حەز دکەن پلەیان د کاری دا وەرگریت دا ھەست ب رێزگرتنێ بکەن، ھەروەسا ھەڤژین ژی پێدڤی ب ھەمان ھەستن، دا کو ژیانا تە یا تژی خۆشی و ھاندان بیت. پلاندان بۆ ھندەک پرۆژەیان یان ژڤانێن دلداریێ دشێن پەیوەنیدەکا ب ھێز د ناڤبەرا ھەوە دروست بکەن.
خۆ ھەکە ئەو ژڤان ل داویا حەفتیێ خوارنەکا شیڤێ بیت د گەل ھەڤالان، ھەبوونا پرۆژێن ھەڤپشک ژ وی جۆری دێ پەیوەندیا ھەوە شارینیت.

2- ترانەکرن د گەل ھەڤدو:
بلەزترین رێ بۆ گوھۆرینا رۆتینێ ترانەکرنە د گەل ئێک و دو، ئەو ژی ب رێکا لێکگوھارتنا نوکتە و پێکەنینان و نیاسینا ھەڤالێن نوو یێن جودا ژ دەردۆرا ھەوە، پشکداریکرن د ئاھەنگەکا موزیکێ دا یان دیتنا فلمەکی، ھەموو ئەو تشت دێ رۆتینێ کوژن یا کەفتیە ناڤ پەیوەندیا ھەوە.

3- ژڤانێن ژ نشکەکێ ڤە:
بزاڤێ بکە پلانێ بۆ ژڤانەکێ دلداری ل ھەر حەفتیەکێ بدانە، ب چو ئەگەران ژی ئەو ژڤان نەھێتە ژناڤبرن یان پاشخستن. ھەر ئێک ژ ھەوە ژی بزاڤێ بکەت چالاکیەکێ بکەت دا لایێ دی رازی بکەت. بۆ نموونە؛ خوارنا شیڤێ ل بەر شەمالکان یان راھێنانێن وەرزی د گەل ھەڤالان.

4- تێوەراندن و چالاکیێن بالکێش:

ھندەک جاران د ھندەک تشان بوەرینە یان دێ ھێت یان دێ چیت، ئەو یەک ھورمۆنێن مرۆڤی زێدە دکەن، بزاڤێ پتر داھێنانان بکە وەکو غاردانا ب ئاستەنگ، ماراسۆن، سەما، یوگا، خلیشانکا سەر بەفرێ و ھالباسکبوونا چیای.

5- خۆشیێ ژ جەمێ، بێھنڤەدانێ ببینە:
ھەکە تە زانی ھەڤژینێ تە وێ حەفتیێ یێ وەستیای ل کاری، پێدڤیە دەمەکی بۆ بێھنڤەدانا وی تەرخان بکەی، بۆ نموونە پیچەک پشت و ملێن وی ڤەیمالە یان دەستکەکێ گولان بۆ بکڕە یان ھەر دیاریەکا دی یا سادە بیت، ئەو یەک دێ پەیوەندیا ھەوە شارینیت، دێ خارتا خوە ژی ژ بێزاریێ خوازن.

6- بەرھەڤکرنا خوارنێ:
ئەم دژمناتیا د ناڤبەرا زەلامان و لێنانگەھێ دزانین، لێنانگەە ئەو جھە یێ کێم جارا زەلام دچیتێ، لێ نە یا خرابە ھندەک جاران خورانێ پێکڤە لێنن، وێ یەکێ ژی دێ کراتێکرنەکا ئەرێنی ل سەر پەیوەندیا ھەوە ھەبیت.

کۆمێنتا تە