رۆسیا بسپۆره‌كێ ته‌كنۆلۆژییا سه‌ربازى یێ وه‌لاتێ خوه ده‌سته‌سه‌ر كر
ئه‌ڤرۆ نیوز:
ده‌زگه‌هێ هه‌والگرییا فیدرالى یا رۆسیا ئێف ئێس بى، بسپۆره‌كێ ته‌كنۆلۆژیا سه‌ربازى یا رۆسیا ب تۆمه‌تا پێدانا زانیاریێن نهێنى ل دۆر مۆشه‌كێن له‌زاتییا وان ژ ده‌نگى زێده‌تره ب وه‌لاتێن ئه‌ورۆپا، ده‌سته‌سه‌ركر.
ژێده‌رێن نووچه‌یان باس ل وێ یه‌كێ دكه‌ن، ئاناتۆلى گۆبانۆڤ زانیاریێن نهێنى یێن تایبه‌ت ب ته‌كنۆلۆژییا پێشخستنا مۆشه‌كێن ژ ده‌نگى ب له‌زتر داینه وه‌لاتێن ئه‌ورۆپا، ئه‌و یه‌ك ژى ب خیانه‌تا مه‌زن ل وه‌لاتى دهێته دانان، ئه‌و تۆمه‌ت ژى ل سه‌ر وى پشتراست بیت دێ گۆبانۆڤ ب 12 تا 25 سالان هێته زیندان كرن.
ئاناتۆلى گۆبانۆڤ د گه‌ل هه‌ژماره‌‌كا زانایێن ته‌كنۆلۆژییایێ ل وه‌لاتێن بریتانیا، ئه‌لمانیا، فه‌ره‌نسا، هۆله‌ندا، به‌لجیكا، ئیتالیا و ئوستورالیا كار ل سه‌ر پرۆژه‌كێ ناڤده‌وله‌تى ب ناڤێ هێكسفلاى ئێنترناشنال كرییه، تێدا پێشئێخستن ب فرۆكه‌یه‌كا سڤیل دایه ژ پێخه‌مه‌ت وێ یه‌كێ ب رێكا بكارئینانا وزا هایدرۆجینى له‌زاتییا وی بگه‌هیته بلندترین ئاست.
