رۆسیا بوویە گەف بۆ هەموو وەلاتێن ئێکەتیا ئۆرۆپا
جۆ بایدن سەرۆکێ ئەمریکا ل پاریس ل گەل سەرۆکێ فرەنسا د پرێس کۆنفرانسەکێ دا راگەهاند، ئێرشێن دژوار یێن رۆسیا ل سەر ئۆکرانیایێ نیشا ددەن رۆسیا دڤێت پشتی ئۆکرانیایێ کار بۆ داگیرکرنا هندەک وەلاتێن دی یێن ئێکەتیا ئۆرۆپا بکەت و هندەک بەرپرسێن رۆسیا ژی ب ئاشکرا دبێژن وان دڤێت سنۆرێ رۆسیا بەرفرەهتر لێ بکەن، ئەو یەک ژی نیشا ددەت کو مەترسی ل سەر هەموو وەلاتێن ئێکەتیا ئۆرۆپا هەنە و دڤێت وەلاتێن ئێکەتیا ئۆرۆپا پێکڤە پشتەڤانیێ ل ئۆکرانیایێ بکەن و خوە بۆ هەر ئەگەرەکێ ژی بەرهەڤ بکەن.
سەرۆکێ ئەمریکا ئەو یەک ژی دیار کر، بەری نها ژی وان ل دۆر پیلانێن پۆتینی هۆشداری داینە وەلاتێن ئێکەتیا ئۆرۆپا و دڤێت هەموو وەلاتێن ئێکەتیا ئۆرۆپا باش بزانن کو مەترسی ل سەر پاشەرۆژا وان یا هەی، گرنگە هەموو وەلاتێن ئۆرۆپا پشتەڤانیا ئۆکرانیایێ بکەن و نەهێلن رۆسیا د شەڕێ نها دا سەرکەڤیت.
