رۆسیا: ب توندی هۆشداریێ ددەینە ناتۆیێ
پەیڤدارا وەزارەتا دەرڤە یا رۆسیا راگەهاند، چار مەهن ناتۆ ل نێزیکی سنۆرێ وان دەست ب مانۆرێن سەربازی کریە، ئەو یەک ژی ئاماژەکا مەزنە کو ناتۆ دڤێت ژ بۆ پشتەڤانیا ئۆکرانیایێ شەڕێ رۆسیا بکەت، لێ هەر بزاڤەکا ناتۆ ل دژی رۆسیا یا بێ بەرسڤ نابیت و رۆسیا دێ ب توندی بەرسڤا هەر بزاڤەکا ناتۆیێ دەت.
ماریا زاخارۆڤا ئەو یەک ژی دیار کر، بەری نها وەکو رۆسیا وان هۆشداری داینە ئەمریکا و ناتۆیێ کو خوە ژ سنۆرێن رۆسیا دوور بکەن، لێ هەتا نها ئەمریکا و ناتۆ ل سەر بزاڤێن خوە بەردەوامن، رۆسیا ڤێ یەکێ رەت دکەت و جارەکا دی ب توندی هۆشداریێ ددەتە ئەمریکا و ناتۆ کو خوە ژ سنۆرێ رۆسیا دوور بکەن، بەردەوامیا مانۆرێن سەربازی یێن ناتۆ ل سەر سنۆرێ رۆسیا پەیامەکا ئاشکرا یا ناتۆ یە بۆ شەڕی و رۆسیا ژی خوە بۆ هەر ئەگەرەکێ بەرهەڤ کریە.
