رۆسیا خیانەت ل ئیرانێ کر
هژمارەک ژ سیاسەتمەدارێن ئیرانێ ب رێیا تۆرێن جڤاکی دیار کرن، کو د شەڕێ ئۆکرانیایێ دا ئیرانێ گەلەک چەک دانە رۆسیا، لێ نها رۆسیا خوە بێدەنگ کریە و هەلوەستێ رۆسیا ل هەمبەر ئێرشێن ئسرائیلێ گەلەک لاوازە و ئەو یەک ژی نیشا ددەت رۆسیا پشکەکە ژ پیلانا ل دژی ئیرانێ و خیانەت ل ئیرانێ کریە.
ئەو یەک د دەمەکێ دایە کو بەری نها د. سادق زیباکەلام مامۆستایێ زانکۆیێ و کەسایەتیێ ناڤدار یێ ئیرانی دیار کربوو، هەکە شەڕەک د ناڤبەرا ئیرانێ و ئسرائیلێ دا روو بدەت کەس هاریکاریا ئیرانێ ناکەت و دێ ئیران ب تنێ مینیت، ئەمریکا ژی دێ پشتەڤانیێ ل ئسرائیلێ کەت و ئەو یەک دێ بیتە ئەگەرێ روودانا کارەساتێن مەزن و دڤێت ئیران نەهێلیت چو شەڕ روو بدەن.
هەژی ئاماژەپێدانێ یە کو بەری نها مەحمود ئەحمەدی نەژاد سەرۆک کۆمارێ بەرێ یێ ئیرانێ ژی دیار کربوو رێککەفتنەک د ناڤبەرا ئەمریکا و رۆسیا دا هاتیە کرن و ل گۆ رێککەفتنێ رۆسیا دێ ئێرشێ ئۆکرانیایێ کەت و ئەمریکا و ئسرائیل ژی ئێرشێ ئیرانێ کەن.
