رۆسیا داخوازەکا ئەردۆغانی رەت دکەت
ره‌جه‌ب ته‌یب ئه‌ردۆغان سه‌رۆک کۆمارێ تورکیا راگه‌هاند کو کۆمبوونا ناتۆ ب رەنگەکێ باش ده‌رباز بوویه و وی ل گەل سه‌رۆکێ ئه‌مریکا و سه‌رۆکێن وه‌لاتێن ئه‌ندام د ئێکەتیا ئۆرۆپا دا هه‌ڤدیتنێن باش ئه‌نجام داینه و گۆت: (د هه‌ڤدیتنان دا من ژ سه‌رۆکێن وه‌لاتێن ئێکەتیا ئۆرۆپا خوا‌ست کو ئه‌م د ناڤبه‌را خوه دا لاپه‌ره‌کی نوو ڤه‌کەین و دڤێت پشتی 52 سالان ئێدی ئێکەتیا ئۆرۆپا ده‌رگەهێن خوه ژ بۆ تورکیا ڤه‌کەت، ئەم چاڤەرێی بەرسڤا ئەرێنی یا ئێکەتیا ئۆرۆپاینە).
سەرۆک کۆمارێ تورکیا ئەو یەک ژی راگەهاند، کو په‌یوه‌ندیێن وان ل گه‌ل رۆسیا ئالۆز نه‌بووینه و مەها هەشت یا ئەڤسالە سەرۆکێ رۆسیا دێ سەرەدانا تورکیا کەت، وەکو تورکیا وان دڤێت پەیوەندیێن خوە ل گەل رۆسیا باشتر ژی لێ بکەن.
ل ئالیێ دی وەزارەتا دەرڤە یا رۆسیا ژی دوهی راگەهاند کو چو بەرنامێن پۆتینی نینن مەها هەشت سەرەدانا تورکیا بکەت و چو بەرهەڤی ژی بۆ ڤێ یەکێ نەهاتینە کرن.
