رۆسیا: دێ ب توندی بەرسڤا ئۆکرانیایێ دەین
وەزارەتا دەرڤە یا رۆسیا راگەهاند، دوهی ئۆکرانیایێ ب رێیا درۆنان ئێرشی دەڤەرەکێ ل نێزیکی مۆسکۆ کریە و د ئەنجاما ئێرشێ دا زیان گەهشتیە هندەک ئاڤاهیان، لێ چو زیانێن جانێ نەبووینە، ئەو یەک ژی نیشا ددەت ئۆکرانیا دڤێت خوە بۆ ئێرشێن نوو بەرهەڤ بکەت.
وەزارەتا دەرڤە یا رۆسیا ئەو یەک ژی دیار کریە، ئەو دێ ب توندی بەرسڤا ئێرشێن ئۆکرانیایێ دەن، هەکە ئۆکرانیا یا رژد بیت جارەکا دی دەست ب کارەکێ وەسا بکەت رۆسیا دێ دەست ب ئێرشێن نوو و دژوار ل دژی ئۆکرانیایێ کەت، چونکی بەری نها ژی وەکو رۆسیا وان ب توندی هۆشداری داینە ئۆکرانیایێ کو ئێرشێن وی وەلاتی ل سەر ئاخا رۆسیا بێی بەرسڤ نامینن و رۆسیا سەلماندیە ئەو شیان هەنە دشێت ل هەر جهەکێ ئێرشی ئۆکرانیایێ بکەت.
