رۆسیا دێ ٨ بنگەهێن ئەتۆمی ل ئیرانێ دروست کەت
بەرپرسەکێ ئیرانێ دیار کر، د بیاڤێ پیشەسازیا ئەتۆمی دا ئیران گەلەک پێش کەفتیە و ئەمریکا نەشێت ب رێیا رێککەفتنێ ئاستەنگان ل هەمبەر پیشەسازیا ئەتۆمی یا ئیرانێ دروست بکەت و ل ئالیێ دی نها ئیران بەرهەڤیان دکەت و دێ گرێبەستەکا مەزن ل گەل رۆسیا ئیمزا کەت و ل گۆر گرێبەستا ل گەل رۆسیا دێ رۆسیا ٨ بنگەهێن ئەتۆمی بۆ وزێ ل ئیرانێ ئاڤا کەت.
ئیبراهیم رزایی پەیڤدارێ لیژنا ئاسایشا نەتەوەیی ل پەرلەمانێ ئیرانێ ئەو یەک ژی دیار کر، مخابن نها ل ئیرانێ کاریشەیا دابینکرنا کارەبێ بۆ وەلاتیان هەیە، ب ئاڤاکرنا ٨ بنگەهێن نوو یێن ئەتۆمی بۆ وزێ دێ ئاریشەیا کارەبێ ل ئیرانێ ب تەمامی هێتە چارەسەرکرن، د هەمان دەمی دا ئیران دشێت د پیشەسازیا ئەتۆمی یا بۆ مەرەمێن ئاشتیانە دا بگەهیتە ئاستەک گەلەک مەزن، ژ بەر ڤێ یەکێ ژی دڤێت ئەمریکا باش بزانیت ئەو نەشێن ئاستەنگان ل هەمبەر پێشڤەچوونا ئیرانێ دروست بکەن.
