رۆسیا: قەیرانا رۆژهەلاتا ناڤین دێ مەزنتر لێ هێت
وەزیرێ دەرڤە یێ رۆسیا دیار کر، شەڕێ نها ل سووریێ دێ کاریگەریا خوە یا گەلەک خراب ل رۆژهەلاتا ناڤین کەت، مخابن هندەک وەلاتێن جیهانێ ژ بۆ بەرژەوەندیێن خوە هاریکاریا گرۆپێن تیرۆرستی ل سووریێ دکەن، بێگومان چەکێ گەلەک مەزن و پێشکەفتی داینە تەحریر شام، هەکە ب چەکێ وان وەلاتان نەبا تەحریر شام نەدشیا وەسا زوو گەلەک دەڤەران کۆنترۆل بکەت، لێ رەوش وەکو خوە بەردەوام نابیت و دێ رەوش هێتە گوهۆڕین.
سیرگێی لاڤرۆڤ ئەو یەک ژی دیار کر، وان بەری نها ژی دیار کرینە دڤێت قەیرانا سووریێ ب رێیێن سیاسی بهێتە چارەسەر کرن، لێ مخابن هندەک وەلاتێن جیهانێ ژ بۆ بەرژەوەندیێن خوە رەوشا هەی خرابتر لێ کرن، نها یا ل سووریێ روو ددەت دێ کاریگەریا خوە ل هندەک وەلاتێن دی یێن رۆژهەلاتا ناڤین ژی کەت، بێگومان هندەک ئالیان دڤێت رەوش پتر ئالۆز بیت، وەکو رۆسیا مە پێ باشە ب دانوستاندنان ئالۆزیێن هەی بهێنە چارەسەرکرن.
