رۆسیا هۆشداریێ دده‌ته توركیا
ئه‌ڤرۆ:
ئاژانسا سپوتینگ یا رۆسیا د راپۆرته‌كێ دا دیار كریه كو وه‌زیرێ ده‌رڤه یێ رۆسیا سیرگێی لاڤرۆڤ ب رێیا ته‌له‌فونێ ل گه‌ل مه‌ولوود چاڤوش ئوگلۆ وه‌زیرێ ده‌رڤه یێ توركیا ئاخڤیه و بۆ وی دیار كریه كو دڤێت توركیا ب چو ره‌نگه‌كێ د بیاڤێ سه‌ربازی دا هاریكاریا ئوكرانیا نه‌كه‌ت، چونكو ئه‌و یه‌ك دێ ئه‌نجامێن خوه یێن گه‌له‌ك خراب بۆ توركیا هه‌بن و باشتره توركیا ده‌ست ب كاره‌كێ وه‌سا ب مه‌ترسی نه‌كه‌ت.
هه‌مان ئاژانسێ دیار ژی كریه كو لاڤرۆڤی ب ره‌نگه‌كێ ئاشكرا هۆشداری دایه توركیا كو خوه نه‌كه‌ته پشكه‌ك ژ ئالۆزیێن نها د ناڤبه‌را رۆسیا و ئوكرانیا دا.
