رۆلێن ئەز دگێڕم ل گەل كەسایەتیا من دگونجن
سولین سلیمان:
گولستان حەسەن، ئەكتەرەكا خەلكا هەولێرێ یە، ژیێ وێ بیست و نەه سالن، د دیدارەكێ دا بۆ رۆژناما ئەڤرۆ دبێژیت: ژبەرحەزا منا زێدە بۆ كارێ ئەكتەریێ، ئەڤە نێزیكێ پێنج سالانە ئەز هاتیمە دناڤ بۆرارێ هونەری دا و هەر پشكداریەكا من كربیت ئەزا پێ كەیفخۆش بوویمە.
هەروەسا گۆت: هەر ژنوكە ئەزا بۆ هندێ كاردكەم كو ل سالێن بهێن پشكداریێ د فلم و درامایێن باشتردا بكەم و هیڤیا من ئەوە ئەز بشێم خزمەتا هونەرێ كوردی بكەم، بۆ زانین ئەو رۆلێن ئەز دگێڕم هەموو دگەل كەسایەتیا من دگۆنجن، لەورا ئەز خوە سەركەفتی دبینم، هەروەسا ئەز دبۆارێ بازرگانیێ ژی دا كاردكەم و من باوەریا ب خوە هەی كو د هەردو بۆاران دا دێ یا سەركەفتی بم، چنكو من حەزەكا زۆر بۆ كاری هەیە.
