رۆلێ هەرێما کوردستانێ بۆ ئاشتیێ گەلەک گرنگە
بەرپرسێ ناڤەندا راوەست یا ڤەکۆلینان دیار کر، رۆلێ هەرێما کوردستانێ ب تایبەتی یا سەرۆک بارزانی ژ بۆ قووناغا نها یا ئاشتیێ ل تورکیا گەلەک گرنگە، بێگومان هەتا نها کارێن گەلەک مەزن هاتینە کرن، پێنگاڤێن گەلەک باش هاتینە ئاڤێتن، شەڕی چەندین سالان هاتیە راگرتن و هەموو وەلاتیێن تورکیا ژ رەوشا نها رازینە و داخواز دکەن ب چارەسەرکرنا پرسا کوردی ئێدی شەڕێ چەندین سالان ب تەمامی بهێتە راگرتن و کورد ژی بگەهنە مافێن خوە.
رۆژ گیراسون ئەو یەک ژی دیار کر، سەرۆک بارزانی بەری نها ژی گەلەک بزاڤ کرن کو پەکەکە و تورکیا شەڕی رابگرن و پرسا کوردی ژی بهێتە چارەسەرکرن، بێگومان نها دەلیڤەیەکا گەلەک باش هاتیە پێش و دڤێت هەموو ئالی سوپاسیا هەرێما کوردستانێ ب تایبەتی ژی یا سەرۆک بارزانی بکەن.
